10 يناير 2011
توقعته غير جم مره تسمعون هالجمله تنقط على مطعم او اكله او شي … تشوفين الاعلان او الشكل الخارجي واول ما تبين الصجيه تكتشفين عن الفرق الشاسع بين اللي متوقعته و الواقع وهالشي ينطبق على الوصفات اللي بذكرها الحين…
بس قبل لا ابتدي بذكر اني تعرفت قبل فتره على انسانه حلوة من داخل ومن برا وحصل لي الشرف تعرفت على بلوقها اليوم وطلعت مثل ما توقعتها و احلى
لوتس طلعتي مو غير :>
بس الوصفات اللي بحطها غير هههههه….بس قبل لا انزل الصور ارد واذكر ان الاكل اول وتالي اذواق
ممكن الشي اللي يعجبني يعجبكم ويمكن العكس .. بس احب اصدق ان ذوقي انترناشوال ههههه :>
* براوني كوكيز من الاصدار الاخير لعبير الراشد
لو بلخص اللي حسيته وانا اكل هالكوكيز …. dark chocolate lover
اللي يحب الدارك تشوكليت رح يعجبه انا بالنسبه لي انصدمت فيه وما حبيته وايد
غير ان اذى اختي بمكوناته وبتشكيله يعني بالنهايه ما حسيت انه يسوا ينعاد
اذا تحبون التشوكليت دارك انصحكم تسونه وتبردونه وعينكم عليه بالفرن ونطروه يبرد عدل قبل لا تنقلونه عشان رح يتكسر بيدكم
اللي نفسي يحبون الميلك توشكليت او او الكوكيز اللي فيه حلاوة … لا تسوونه
تقييمي 4/10
* دياي بالزنجبيل من الاصدار الاخير لعبير الراشد
المفروض تكون مع الدياي صلصه بس ديايتنا نشفت .. مادري شنو صار بالضبط بس اخواني ما حبوها.. اضطريت اسحب الدياي واسويه نودلز مع خضار
مرح اقيمه لاني ماكل دياي فمادري شنو مشكلته بالضبط
* حلو التمر بكتاب سنسز المطاحن
وايد حلو على ذوقنا بالبيت وطعمه ناقصه شي… احس لو الطبقه البيضه اقل والبسكوت اكثر والتمر ينخلط مع مكسرات والتوفي اقل بيكون احلى
تقييمي 3/10
* كنافه التوست اخذتها من منتدى شمواه
طعم الحشوه حلو بس وايد والطبقه اللي فوق تفتت معاي وماقدرت اسقيها شيره بس طعمها حلو… لو بسويها مره ثانيه رح اسويها بقالب اصغر ورح اقلل كميه الحشوه الى النص ورح ازيد المقادير التوست اكثر … ومفكره اسويها بقوالب المفن عشان التقديم يكون فردي احلى
تقييمي 6/10
* سباجيتي مع ميت بولز محشيه جبن بصلصه الطماط والبيستو من ريتشل راي
الصلصه واااااااايد واللحم طلع عادي يعني جني شاريه كفته امريكانا الجاهزه ما حسينا بالجبن عطاه اي فرق … توقعت طعم البيستو بيطلع وبيبن مع صلصه الطماط بس طعمه عادي مثل اي اسباجيتي عادي… الغلطه اللي سويتها اني سلقت الاسباجيتي للنضج كنت المفروض اني اخليه شوي يابس وباجي سواه اخليه يشربه من الصلصه
تقييمي 5/10
* جولاب جامون
شغله يتعب وبعدين شرب من الشيره وايد … يمكن المفروض اني انطره يبرد بعد القلي قبل لا اغطسه بالشيره او اني اضيفه قبل التقديم على طول.. لو بسويه مره ثانيه اعتقد اني بقليه وابرده بالثلاجه وعند التقديم احطه بالشيره
تقييمي2/10
Posted by bent el deera in من تجاربي, صور بلا وصفه
