I love to cook .. love to eat .. and this is my kitchen

Tag Archives: سبانخ بالزيت

سبانخ بالزيت

اخذت فكره الوصفه  من الشيف محمد اورفلي من قناه فتافيت.. لغيت الثوم والبصل المقلي لانها كانت للريوق ( فطور ) وخليتها تبرد بالثلاجه جم ساعه ( وممكن قبل ليله ) وطلعت طيبه وحامضه وماشيه مع الرمان .. قدمت معاها خلطه الجبن بالزعتر الاخضر ( جبن نابلسي او حلوم مع زعتر وزيت وسماق وزعتر اخضر وطماط جبلي وشرايح زيتون ) و حمسه السبانخ وتحصلونها على هاللينك

سبانخ بالزيت 2

المقادير :

كيس سبانخ مثلج او ما يعادله طازج

بصله صغيره مفرومه حسب الرغبه

1/4 كوب عصير ليمون ( ممكن اقل او اكثر حسب رغبتكم بالحموضه )

1/4 كوب زيت زيتون + كميه اضافيه للوجه حسب الرغبه

2 م ك كزبره مفرومه

1 م ك سماق

ملح وفلفل اسود حسب الرغبه

1/4 م ص فلفل مجروش ( شطه )

اضافات اخرى

2 فص ثوم مقطع شرايح ومقلي بالزيت يخلط مع السبانخ والبصل

شرايح بصل مقلي للوجه

دبس رمان للوجه حسب الرغبه

جوز مفروم للوجه او صنوبر محمص

زرشك مقلي

الطريقه :

نسخن زيت الزيتون ونضيف له البصل و الفلفل المجروش ونحركه لما يذبل البصل نضيف له الكزبره ونحركها واذا ذبلت نضيف لها السبانخ والملح والسماق والفلفل الاسودونتركها على النار لما تتجانس ونضيف لها عصير الليمون ونسكر على النار ونتركها تبرد قبل التقديم

عند التقديم يضاف لها حبوب الرمان وزيت الزيتون وبالف عافيه



تابع

Get every new post delivered to your Inbox.

Join 1,015 other followers