I love to cook .. love to eat .. and this is my kitchen

Tag Archives: فطاير سبانخ منال العالم

سبانخ
تدرون شكثر احب السبانخ وانا احوس بالبلوق شفت هالوصفه عندي من سنه كامله بالمسوده… اللي يحب فطاير السبانخ الحامضه بتعجبه هالوصفه 
لتطبيق افضل لا تنقعون السبانخ مع باجي المقادير بمجرد ما تخلطونه احشوه على طول لانه كل ما طولتو زادت السوائل فتتبطل العجينه 
استخدمو اي وصفه عجين تحبونها وانا ذاكره كذا وصفه بالبلوق وبتلاحظون اني ذاكره مقادير السبانخ العاديه … تقدرون تضيفون لها جوز لنكهه احلى ( انا افضلها مع جوز دائما ) وهم تقدرون تضيفون بالحشوه رمان او زرشك او موتزريلا حسب الرغبه انا فضلت اكتب الوصفه الاصليه والاضافات خلوها على مزاجكم
الوصفة الثانيه موجوده بهالرابط 

المقادير:
الحشوه
2 كيس سبانخ مثلج او ما يعادلها فرش وطبعا الفرش افضل
ربع كوب عصير ليمون
ربع كوب زيت زيتون
م ك سماق
2 م ص دبس رمان
رشه بهار حلو
2 م ص ملح
بصله مفرومه ناعم

الطريقه:
نعصر السبانخ من الماء عدل ونضيف لها باجي المقادير
نفرد العجين بسمك خفيف ونقطعها دوائر ونضيف جزء من الحشوه ونطبقها
على الويه نضيف لها حليب وبيضه وفلفل اسود مخفوقين مع بعض وسماق وتدخل الفرن لين تتحمر وبالف عافيه

* لتجهيز رمضان : تقدرون تسونهم وتخبزونهم بالفرن وتفرزن وقبل الفطور دخلوهم تسخن الفرن عادي او بالمايكرويف 



تابع

Get every new post delivered to your Inbox.

Join 1,015 other followers