اطباق رئيسية · اطباق رئيسية- اطباق الارز او العيش · اطباق رئيسية-اطباق نباتية · اطباق رئيسية-باستا او المعكرونه

كشري…(( تحديث))

الاعتراف بالحق فضيله.. انا مو مصريه واكيد ما بنافسهم باكلتهم الشعبيه

بس الكشري اللي اسويه له طعم غير وبتحسون فيه بعد ما تجربونه …و خواتي دايما يطلبونه مني

وهالطريقه توصلت لها بعد تجارب وايد..

يعني باختصار شي يشرف

واشكر عزيزتي Om MoD على التذكير باضافه الصلصه اللي تيي معاها.. ما قصرتي :>

****

المقادير :

كوب كشري منقع 3 كوب رز صنوايت او مصري

6 حبات شعريه مكسره نص قفشه صغيره حلبه

2 مكعب ماجي= علبه

كمون وكزبره بودر حسب الرغبه

معكرونه حسب الرغبه ( انا احط نص كيس )

3 حبات بصل ابيض كبار للقلي

وحبه بصل احمر صغيره مفرومه للكشري

واذا تحبون نخي ( حمص ) مسلوق للتقديم على الوجه

زيت نباتي للقلي والطبخ

مقادير الشطه او صلصه الطماط:

3 حبات طماط مهروسه

بصله صغيره او نص

ثوم تقريبا 6 فصوص

فلفل حار حبه او حبتين

معجون نص علبه لي علبه كامله

كمون

فلفل اسود او احمر حسب الرغبه

ملح

خل

قطرات من الشطه الحاره ( دقوس)

الطريقة:

نسلق المعكرونه عادي ونحليها على جنب

ناخذ البصل الابيض ونقطعه شرايح ونرش عليه طحين ونحمره بزيت غزير لين يتغير لونه ويقرمش

نغطي العدس بماي بارد ونسلقه مع نتفه كمون وورق غار لين يكتمل نص سواه

نحمر الشعريه بالزيت ( انا اخذ من زيت قلي البصل عشان النكهه) واذا تغير لونها نشيلها على طول

نحمر البصل ( بنفس الزيت) لين يقلب لونه وبعدين نضيف الكمون و الكزبره البودر والماجي ونضيف له العدس ( الكشري) ونحمسه عدل

الشعريه تكون مقليه وخالصه .. نضيفها فوق العدس والبصل و بعدين نضيف الرز ونفلفله معاهم شوي

نضيف الماي الحار والحلبه ونتاكد من الملح ونخليهم على النار لين يتدي ينشف الماي وبعدين نخليه على نار واطيه لين اكتمال السواء

في هالاثناء نسوي الصلصه.. نفرم الثوم مع البصل والفلفل ونحمرهم بالزيت وبعدين نضيف الطماط والمعجون ونتركهم لين يتسبكون شوي نضيف الملح والفلفل الاسود او الاحمر حسب الرغبه والماي حسب الكثافه اللي تحبونها.. وبعد ما نسكر عليه نضيف الخل والدقوس والشطه.

وبالتقديم نحط العيش في البدايه وفوقه المعكرونه والبصل المحمر والنخي حسب الرغبه ويقدم مع الصلصه

وبالعافيه :>

Advertisements

9 thoughts on “كشري…(( تحديث))

  1. تعالي شنو وين الصلصله خبري مع الكشري شي يسمونه دقه وااااااااااااي هذي دميرة طعمه عجيب غريب ثاني شي أبي توضيح حق الطريقة عدلbr 🙂

  2. Om MoDbr******brذكرتيني فيها الله يذكرج بالشهاده قولي امين… كنت ناسيه اكتبهاbrبس انا ماسوي الدقه بروح الشطه بروح وصلصه الطماط بروح… كلهم بصلصه وحده=gt; الكسل شلون صاير لوولbrbrوبالنسبه للشرح.. عدت صياغته وان شاء الله صار اوضح لج brحياج الله ولا تقاطعين :gt;

  3. بصراحة استانست وايد عالبلوق مشكورة عالوصفات الحلوه وانا احب الكشري بجرب طريقتج ان شاء اللهbrوشكرااا 🙂

  4. غير معرف br***********brbrحياج الله دوم :gt;brوسعيده ان المدونه عجبتجbrbrجربيها وان شاء الله تكون على ذوقج :gt;

  5. التنبيهات: قريش | My Kitchen

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s