سلطه الشمندر بالجرجير والجوز الحلبيه

يبت لكم وصفه ماخذتها من النت من موقع لقمة وغيرت فيها شوي مو وايد… صاحبه هالوصفه حلبية عشان جذي سميتها هالاسم
الموقع

www.l2ma.com

في البدايه انا استغربت من الكمون والجوز بالمقادير بس لما جربتها طلعت حلوة… وحطيت معاها اضافات شوي صار طعمها ولا اروع

انا بحط لكم المقادير وشنو غيرت فيها واتمنى انكم تجربونها وان شاء الله تعجبكم

تحتاجون شمندر مسلوق ومقصص مكعبات>>عاد هذا وقته متروس بالجمعيات
جرجير حسب الرغبه … يعني شده تقريبا (( اهي كانت حاطه خس وكاتبه يصير مع ملفوف او جرجير))
جوز مكسر مو مطحون .. يعني قطع كبار هم حسب الرغبه .. انا حطيت جم حبه

الدريسنغ:
خل البلسمك بقدار 3 من غطا العلبه >> ما حسبتها بالقفشه جم ههههه (( واهي كانت حاطه عصير ليمونه او قطرات من البلسمك))
6 قفاش كبار زيت زيتون (( اهي كاتبه من 4-5))
ربع قفشه صغيره كمون (( اهي كانت حاطه نص))
ملح انا تقريبا حطيت 4/3 قفشه صغيره لاني ماحب الاكل مالح
8/1 قفشه صغيره ثوم مهروس… واهي حاطه فص كامل انا مادري جم بيطلع لي بالقفاش
وانا زدت
اقل من ربع قفشه صغير ه بابيركا (( اهي حاطه نص فقشه فلفل احمر مهروس))
و 2/1 قفشه صغيره سكر

خلطي مقدار الدريسنغ وصبيه فوق السلطه وبالعافيه

مع ملاحظه اني استخدمت تقريبا نص كميه الدريسنغ على السلطه لان مثل ما تشوفون انا مو مسويه وايد

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s