فطور رمضان و ريوق و سفرات كاملة · وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -اسماك وماكولات بحريه · اطباق شعبيه · خطوة بخطوة

سمج سمك سمجمج مشوي…

اكثر هوياتي تحببا الى قلبي الطبخ… واكثر شي احب اطبخه السمج والربيان

السمج المشوي من احد اطباقي المشهوره… واغلب اللي يذوقونه عندي يطلبون مني طريقته او يطلبوني اسويه مباشره

بس بالبداية احب اوضح لكم… ان هالطريقه بتكون الذ والذ اذا كانت مشويه بالتنور ..

طبعا كميه المقادير تقريبيه اضافه او ازاله عنصر او اثنين يحدد بالرغبه الشخصيه

ادري هذرت بما فيه الكفايه

نبتدي بالتطبيق

بسم الله

تحتاجون السمجه المفضله… انا اخترت نقروره فرش… وخل يقصها صوب الظهر .. وانا قلت له بعد يشيل القشر لاني بشويه بالفرن

وبعدين غسلوا السمجه عدل  بطحين واخر شي نقعوها بملح خشن و ليمون تقريبا ساعه عشان تتاكدون من اختفاء الزفره

بعدين زهبو الحشو اللي بتحطونه ببطن السمجه… انا اخذت بصل مفروم وكزبره و شبنت و خضار مجففه من ايران ( متوفره بسوق السمج والشبرة ) بحطلكم صورتها بعدين نقعتها وخلطتها معاهم وحطيت وفلفل اخضر بارد وحار شوي ثوم مقصص شرايح وزرشت منقوع .. وتخلطونهم مع صبار و ملح وبهارات مجدي مالت السمج وشوي كاري وكمون و زنجبيل بودر و نتفه فلفل احمر واخليه شوي عشان ياخذ من نكهه البهارات واذا تحبون تقدرون تضيفون معجون طماط عشان يصير احمر شوي زيدوها عصير ليمون وصبار وزيت لان النقرور ناشف بطبعه

بعدين اغسل السمجه مره ثانيه من الليمون وارشها ببهارات (( اي بهارات تحبين انا استخدمت ماجيك مالت السمج بس انا عاده احط من بهارات المذكوره فوق))… اذا ما شلتوا القشر تقدرون تصبون من جهه القشر ماي منقع بتمر (( بس لحد يسالني ليش انا كنت اشوفهم يسوون جذي)) او صبار.. بس انا هالخطوة ما سويتها هني

وبعدين احط فيها الحشوه و اصب بمقدار غطا عليه زيت زيتون او زيت ذره

وهالشي حسب الرغبه و يا تسكرونها وتحطونها بالفرن وقبل السوا بشوي تبطلونها او تخلونها مفتوحه و تشوونها بفرن حامي وقبل لا تستوي بشوي شغلوا النار العلويه عشان تتحمر عدل… في خطوة اضافيه اسويها عشان ريحه الزفر.. احط بصينية الشوي شويه ماي مع قشر ليمون وورقه غار ..

وعليكم بالعااااافيه

وهذي صورة الصبار اللي استخدمه… عجيب ولا استغنى عنه

وهذي صورة الخضار المجففه… اتوقع تلقون نفسهم بالكيلو بسوق المباركيه

وعذروني اذا كانت الصور مو واضحه عدل لانها من تصوير موبايل

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s