المربين بطريقتي

الحين مع بدايه موسم البرد نحتاج حق هالوصفات …

المربين عاده يضاف له ماش بس انا ما اضيفه… وابدل هالشي بالخضار ( جزر و بطاط ).. وممكن الغيهم بعد

  الطريقه وايد سهله و النتيجه جدا لذيذه… طبعا يقدم مع دقوس صبار وبيديان او دقوس طماط عادي

 المهم

 المقادير :

تحتاجون عيش مشخول ثلاث ارباع ..يعني العيش تكون يابسه شوي.. تشخلونه بماي وملح وهيل ودارسين عود وورق غار عشان الريحه الخنينه

وتحتاجون ربيان ناشف منقوع بماي حار و مدقوق او حطوه بالفود بروسسر تطحن لكم إياه تقريبا نص كيس

ومعجون طماط حسب الرغبه انا احط تقريبا نص علبه

دهن عباد الشمس.. وايد ترا انصح فيه بالطباخ يخلي الاكل خفيف

ثوم مهروس قفشه كبيره

زنجبيل فرش مهروس قفشه صغيره

جزر مبروش اذا تحبون او مكعبات بطاط مسلوق… ترا هالاضافات حسب الرغبة كلش مو ضرورية

بصل مكعبات حوالي بصلتين وسط او وحده كبيره

وبهارات: بهار عادي مطحون و هيل و لومي اسود وكاري وملح طبعا

الطريقه

نحمس البصل مع الثوم والزنجبيل وبعدين ضيفي الربيان والبهارات والمعجون والخضار ونخليه على كتر… واذا تحبون تقدرون تسلقون بيضه وونخليهاا بالخلطه بس من الاخير حلو شكلها وتاخذ من نكهه الربيان

نييب الجدر ونصف نص العيش وبعدين خلطه الربيان وباجي العيش ونرش عليه شوي هيل ناعم و بهار وشويه دهن من فوق عشان لا يلصق العيش و نخليه على نار واطيه لحد ما ينظا العيش على البخار…

وعليكم بالعافيه

Advertisements

4 Comments اضافة لك

  1. Shaima'a Alkandari كتب:

    يمي يمي عاد حدي يوعانه وحطيتي لنا المربين وبطريقه خاصه وبالنسبه لي يديده يعطيج العافيه وتسلم الايادي شكلي بتفلسف يوم اليمعه وبطبخ

  2. chatterbox كتب:

    واااااااي اكل في اكل مو شي حق الريجيم لووووووووول

  3. bent el deera كتب:

    Shaima Alkandari ****** الله يعافيج حبيبتي…وزين تسوين عاد اسهل شي الطباخ.. وبالعافيه مقدما
    chatterbox ******* لووووول… عاد انا مسويه البلوق حق هالوصفات عموما وصفاتي مو دسمه وكثير منها يصلح للرجيم وحياج الله حبيبتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s