كفته مرق ( داوود باشا ) يم يم

اليوم بكتب لكم طبق رئيسي واتوقع الكل يعرفه
وانا سويته بطريقه يديده و اخف و ان شاء الله تعجبكم.. واهم شي ان ما فيه غسال مواعين وايد

هههههههه

اول شي طريقه الكفته

المهم تاخذون تقريبا 500 غرام لحم مفروم قليل الدهن تقدرون تخلطون بين الغنم شويه لانه دسم بطبعه مع البقر ووتردون تفرمونه مع بصله وحده وما تكون كبيره وتحطون عليها الكميه اللي تحبون من البقدونس وشويه كزبره بس تاكدو ان الخضره مو وايد عشان لا ينزل ماي وايد مع البصل وتاذيكم بالعجين

بعد ما تفرمونه تحطون عليه ملح البهارات وشوي طحين.. انا احط معاها بهار لحم و كزبر بودر ولومي اسود بودر من كل شي قفشه صغيره (مالت الشاي العنونه مالت اول) وزنجبيل نص قفشه طبعا البهارات حسب الرغبه بس انا ما اكثر منها لان ابوي فديته معاه القولون واحط معاه طحين بالكميه المناسبه للعجن واشكلها بالطريقه اللي احبها
عاده الكفته تتقلى بس انا احب احطها بالفرن شوي ليما تتماسك وتنزل الدهن جذي انا اضمن ان ماكو دهن زياده وحتى لو حطيتها بالصلصه اكون متاكده انها ما تتفكك وهالخطوة اختياريه

ولي هني ينتهي الجزء الاول

والحين الجزء الثاني من الوصفه

بالجدر خلطي ماي وملح ومعجون طماط وصبار
قشري البطاط وقطبعه حسب الرغبه وحطيه فوقه >>> لاحظو اني ما قليته و لااكو نتفه دهن بالموضوع

بعد ما يغلي له جم غلوه قطي الكفته وخليهم ينضجون سوا

اللي ما تبي تحط الكفته بالفرن بالاول تقدر تخليها بالجدر وتحط البطاط فوقها وتسخن الصلصه وتصبها فوقهم وتخليهم على نار واطيه ليما تستوي وجذي الكفته بتصير اطرى بس من غير ما تتفكك

Advertisements

6 Comments اضافة لك

  1. Anonymous كتب:

    يعطيج العافيهbrbrخوش طريقه وان شاء الله بجربهاbrbrبس لازم ارد افرم اللحم ؟؟brbrلان ماعندي فرامه

  2. bent el deera كتب:

    غير معرفbr********brbrالله يعافيجbrbrواذا ما عندج فرامكه مو ضروري قصصي الخضار صغار وشكليهم بحجم الكفته اللي تبينها brانا افرمها بس عشان تتمازج مع اللحم :gt;

  3. yasmeen sahlan كتب:

    في البداية كنت متوقعة الصلصة راح تطلع وايد سائلة، بس طلعت خاثرة شوية ولذيذة والبطاط خذا من نكهتها والألذ من كل هذا أنها لذي1ة حتى بعد يوم بالثاجة وتسخنت مرة ثانية.
    الله يعطيج ألف عافية

  4. yasmeen sahlan كتب:

    أنا أضفت بيضة على خليط اللحم وكورتها وغطيتها بالطحين وقليتها

    1. bent el deera كتب:

      تسلم الايادي وبالف عافيه 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s