مجبوس سمج ( مكبوس سمك )…

هالاكله لذذذذذييييذه واااايدو سهله وايد وايد

احب هالاكله بالشتا.. ومعاها اجار ثوم جبل و دقوس طماط بالكزبره صج يم يم

انا بالعاده اسويها بالهامور او بالبالول.. بس اتوقع تنفع حق اي نوع سمج خاصه الشعوم والزبيدي

طبعا المقادير حسب الرغبه…

سمج

عيش بسمتي

طماط مهروس بالخلاط

معجون

كميه بصل مفروم

ثوم وزنجبيل مدقوقين

بهارات

وطبعا زيت

الطريقه

سمج منقع بليمون وملح و مغسول بماي وطحين عن الزفر وبعدين تتبلونه بثوم وزنجبيل مدقوق وتخلونه على كتر

عيش مغسول ومنقع بماي وملح و خلوه على كتر

حمسو بصل راهي مع بزار بحريني و بهارات عدله ( هيل و زنجبيل ناشف و كزبره و مسمار و دارسين وورق غار وفلفل وحبه حلوة ) يعني ببساطه اي بهار تحبونه ضيفوه

وبعدين ضيفو الطماط المهروس ( خلوه راهي ) وحركوه واذا تبونه احمر زيدو معجون وخلوه لين يغلي

وبعدين حطو السمجه وحمسوها بس لا تحركونها وايد عشان لا تفلل بالجدر وزيدو لومي عدل وملح وماي حار وخلوها تطبخ

قبل السوا بشوي شيلوها ( ترا السمج ما يطول) وحطوها بالبايركس وبهروها ب (ببهار سمج و دارسين وهيل ولومي ناعم ) وحطوها بالفرن لين تتحمر شوي

والماي شخلوه و جبسو فيه العيش وخلوه على نار هاديه واذا نشف رشو على ويه الجدر هيل ناعم وبالعافيه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s