برياني الدجاج بالرز الاسمر

هالوصفه خذتها من اصدار مجله لنا ….غيرت اشياء بسيطه للتناسب مع ذوق بيتنا 
وحبيت اشاركم فيها ..
المقادير:
1 كوب عيش / ارز اسمر مغسول ومنقوع
2 م ك زيت نباتي
1 حبه كبيره بصل مفروم
1/2 م ص زنجبيل مفروم
1/2 م ص ثوم مهروس
1 حبه كبيره فلفل اخضر ( فليفله ) مفروم
3 حبات فيليه دياي/دجاج  كبار مقطعين
1/2 م ص كاري
2 م ص ملح
1/2 م ك بهار برياني ناعم
1/4 م ص فلفل اسود
1/2 م ص كمون ناعم
1 م ص كزبره ناعمه
1/8 م ص دارسين ناعم
1/4 م ص هيل ناعم
4 م ك روب ( زبادي )
1 حبه كبيره جزر معكبات
1 حبه كبيره طماط مكعبات
2-3 م ك كزبره خضرا مفرومه
1 ورق غار
الطريقه :
نسلق العيش ( الرز) بماي مغلي و 1 م ص ملح وورقه الغار من 30 -40 دقيقه لما يستوي تقريبا
بجدر ثاني على النار نحمس البصل مع الثوم والزنجبيل لين يتغير لونه ويذبل وبعدين نضيف الدياي والبهارات وباجي الملح ونحمسها لما تشرب من البهارت
بعدين نضيف الروب والفلفل والجزر واذا قارب الدياي على النضج نضيف الطماط والكزبره ونخلطهم عدل ونخليهم لين يستوي الدياي
بعدين نييب الجدر ونحط نص كميه العيش و خلطه الدياي وباجي العيش فوقه ونحطهم على نار واطيه حتى يستوي العيش
وبالعافيه

2 thoughts on “برياني الدجاج بالرز الاسمر

  1. يقول Shaima'a Alkandari:

    يمي يمي يمكن يكون تغييير لنا بس تدرين شنو مشكلتي على حسب المزاج اذا لي خلق اطبخ افنتك بس اذا مالي خلق بيطلع اى شي واهم شي النفس بالطباخ صح مشكوره وتسلم ايدج ياطباختنا

  2. يقول bent el deera:

    الله يسلمج حبيبتي .. وشكرا على ذوقج…صاجه اهم شي بالطبخ النفس بالاضافه الى الاضافات بسيطه ساعات تكون اساسيه انا احب اطبخ بس ساعات اصير مجبره ومثل ما قلتي متى ما سويت بنفس طعم الاكله وريحته تصير غير نورتي المدونه… حياج الله ولا تقاطعين🙂

التعليقات مغلقة.