المقبلات والاطباق الجانبيه · اطباق الزيت

ورق عنب بالزيت…

انا عندي 3 وصفات وايد احبهم ووايد لذيذين …دايما استخدمهم ورق العنب او الدولمه الحامضه
انا ما اقصد الطريقه الحلوة الحامضه ( براق ) …
طبعا لاني من انصار التثليج.. فانا اسوي كميه واثلجها ووقت الطبخ احطها على النار…
من اسرار وصفتي… اني ما اترسها حشوه.. يعني احب احس بطعم ورق العنب موبس طعم العيش..ولاحظت الملفوف المجمد يستوي اسرع
السر الثاني… القهوة .. تعطي طعم رهيب رهيب .. انا ماكنت مستسيغه الفكره لمن قريتها اول مره في وصفه اليالنجي … مره جربتها وصرت دايما احطها لانها تعطي نكهه حلوة
السر الثالث والاخير …لازم زيت زيتون زيين… يعني بهالطبق ما ينفع شغل اي شي بالجمعيه… انا اخذه من سمراء عدن مخصوص او اخلي زيت الزيتون اللي ييبونه ربع ابوي له  من سوريا او جنوب لبنان…
المقادير :
1 ك رز صنوايت مغسول ومنقوع
1 ك طماط مكعبات صغيره
1ك بقدونس مفروم
1 ك بصل مفروم
3/4 ك نعناع مفروم
1 مكعب ماجي
ملح حسب الرغبه
2 م ك دبس رمان
1/2 او 1/4 قفشه صغيره قهوه تركيه
نعناع يابس حسب الرغبه
1/2 ك ليمون عصير
1/2 ك زيت زيتون
**
1/2 ك زيت زيتون
1/2 عصير ليمون
1/4 كوب صبار
***
شرايح بطاط وجزر وطماط وثوم
وطبعا ورق العنب
الطريقه:
وايد وايد سهله.. نخلط الخضار مع الليمون والبهارات وبعدين نضيف الطماط والبصل واخر شي الرز والزيت ونخليها فتره
بهالوقت اخذ ورق العنب واغسله عدل بماي حار وانظفه واشيل المشقوق من الصاحي واشلع بوز الساق واحطه بمشخل لين ينزل مايه عدل
احشي ورقه العنب ( تقريبا قفشه صغيره او اقل) واحطها بالجدر
طبعا الجدر مصفوفه فيه حلقات الجزر والبطاط
بعد ما ينتهي ورق العنب تصف ورقات من ورق العنب وشرايح الثوم و الطماط ويصب فوقه خليط **
ويترك على نار هاااااديه بعد ما يغلي لين يستوي… تقريبا من ساعه لي ساعه ونص
واذا برد يقلب
انا قلبته قبل لا يبرد عدل عشان جذي شوي قلب لونه
وانا احب الصلصه عشان جذي احتفظ فيها واللي تحبها ناشفه تقلل من السوائل حسب الرغبه
ملاحظه : هالخلطه حق علبه ونص تقريبا
ساعات احشي الكوسا بالحشوه + علبه ورق عنب وهم وايد وايد لذيذه بس بالصلصه نزيد ماي شوي
Advertisements

6 thoughts on “ورق عنب بالزيت…

  1. انا من عشاق ورق العنب وشكلي بجرب طريقتج ..انا عندي طريقة وايد حلوة وعاجبتني بس المشكلة كل ماأسويها ما يستوى عدل العيش يكون شوي يابس مو بكل الأماكن بس بعضهم مع أني أخليه مده طويله على النار ..إذا تقدرين تفيديني ..

  2. Om MoD*******هلا بالغاليه .. وانا بعد وايد احبه (( واحب كلشي يمتن هههه))وبالنسبه للورق الناشف انا كنت في البدايه يصير معاي هالشي.. وبطل هالشي يصير معاي من قمت ازيد ماي السقو..وقللت مقدار الحشوه..يعني ما اخليها اصبع متين هههه.. واخليها ساعتين على نار هاديه انحلت المشكله معايانتي جربي زيدي الماي وخليه فتره اطول على نار هاديه وشوفي شنو يصيروياليت اذا ما فيها كلافه تذكرين وصفتج :>

  3. هلا واللهطبخاتك رائعة ابيك تنزلينها بمنتداي علشان يستفيدون منها البناتمنتديآت ::. قلوب بلآ ملآمح .::النِقَاشَاتْ تـَتَسِعْ .. والمَنطِقُ يَكسَبْ !نشـّوة الفـرَح بصوتٍ عـذبّ .. لـإفراحِكُم زغاريّد .. ولـأتراحِكُم دُعاء .. وبـِمـُصافـحـَة مُـنفرِده ْتهادوا فِي الله ..! سِحرُ الكَلمَاتْ .. يَلتقِي بِعطر آحَاسيسهم ..عالم لايختلِفُ عليهِ إثنَان , بينْ طيّاتِه تكُمُنْ أحدّثُ البرِامِجَما بَيْنَ عَبَثِ فُرْشاةٍ .. وتَحْليقِ لَوْنٍ .. تَسْكُنُ اللّمْسَة..http://mrchat.net/nof/المديرة:-ѿஃغــرٍآمஃѿ

  4. التنبيهات: ورق عنب 2… « My Kitchen

التعليقات مغلقة.