سمج بلطي بالفرن…


كل عام وانتو بخير وتقبل الله صالح دعائكم وطاعتكم
بعد العيد والمجابيس والقوازي….
المعده بحاجه حق اكل خفيف…
وماكو اسهل ولا اخف من هالاكله…
انا سويتها بسمج بلطي بس اتوقع باي سمجه ينفع… وخاصه الشعوم

المقادير حسب الرغبه:

انا استخدمت سمجتين منظفين ومغسولين
ربع حبه فليفله خضرا مقطعه مكعبات
نص حبه طماط مقطعه حق مكعبات
بقدونس مقصص قطع كبيره اقل من ربع شده
ونص حبه بصل ابيض مقصص مكعبات
شرايح ليمون
ملح
فلفل اسود
بهارات سمج مصريه… انا استخدمت نوع يكون بجياس صغيره
كمون
زيت زيتون

الطريقه:

في البدايه نحمي الفرن
يتبل السمج بالبهار ويرش بالملح والفلفل والكمون

تخلط الطماط والفلفل والبصل والبقدونس مع اضافه القليل من زيت الزيتون وتوضع فوق السمج ونصف شرايح الييمون وتدخل الفرن لين تستوي وبالعافيه

الإعلان