دجاج مشوي بالخضار بكيس الفرن…

 

هالوصفه سهله… حطيت كل الخضار اللي ببالي مع بهارات بالجيس ودخلتهم الفرن

 

وطلع الدياي ترف وذايب انا ماكل دياي بس ابوي وخواتي فديتهم وايد عجبتهم.. وحبيت اشاركم فيها خاصه انها سريعه وتاخذ وقت

بتلاحظون ان بصورة المقادير ما فيها مشروم.. لاني ضفتها بالاخير بناء على طلب اختي الصغيره🙂

انا قدمتها مع معكرونه عاديه مسلوقه وتقدرون تاكلونها مع خبز .. وبالعافيه

المقادير:

 


 

دجاجه بحدود 900 غ الى كيلو

بهار

لومي ناعم

وفلفل اسود

شوي روزماري

ثوم مهروس

زيت زيتون بحدود 2 م ك

خضار:

بيبي كورن

فلفل اخضر

زهره

جزر

بطاط

مشروم

بصل

طماط

كوسا
ملح

الطريقة:

تقطع الخضراوات قطع كبيره وتخلط مع الفلفل الاسود واللومي والملح والبهار وشوي زيت زيتون والروزماري

ينظف الدجاج ويزال جلده ويقطع الى 8 قطع ويرش بنفس البهار واللومي والملح وباقي زيت زيتون

يخلطون جميعا داخل الكيس المخصص للفرن مع قطع جزء صغير عشان لا ينفجر من البخار و يدخلون بالفرن الحامي لمده ساعه الا ربع تقريبا

وبالعافيه