كب كيك التمر…

بتلاحظون ان هالوصفه وصفه كيك عادي… الوصفه ترجع لامي الله يرحمها وصج لذيذه.. كانت تسويه لي بقوالب الكب كيك عشان اخذه معاي المدرسه

كانت اما تسويها لي بتمر او بجزر ورح اذكر طريقه الجزر بموضوع منفصل ان شاء الله… التغطيه او الفروستنغ جدا بسيطه اخذتها من دردشه مطابخ من عالم حوا (هالانسانه ما شاء الله مدرسه.. انصح محبي الطبخ بالاطلاع على ملفها لان فيه معلومات رائعه ) روح الليمون وجبن فيلادلفيا وسكر ناعم وانا احب اضيف شوي مهروس التمر.. انا ما فضلت اخليها واللي يبي يضيفها بروحه

مقادير الكيك:

2 ك تمر منزوع النوى

2 م ص بكربونات الصودا

1 ك ماي مغلي

4 بيضات

1 ك سكر ( حسب الحلاوه انا غالبا اخليه نص او 3/4 كوب )

2/1 ك زيت نباتي ( وممكن استخدام زبده) وانا ساعات استخدم شورتنغ كريسكو وهم تنجح

2 ك طحين فاخر

رشه ملح

1 م ك دارسين ناعم

2 م ك بيكنغ بودر

جوز حسب الرغبه


مقادير التغطيه :
المقادير 112 غرام جبنة فيلادلفيا ( ملينة ) او بوك ان حبيتي ولكن فيلا دلفيا افضل
اصبع زبدة ( ملينة )
كوب وثلاث ارباع الكوب سكر بودر ناعم
ملعقة صغيرة فنيلا
نصف ملعقة صغيرة ريحة الليمون

 

طريقه:

في البدايه ننقع التمر مع البكربونات والماي ونخليهم شوي

نخلط الطحين مع الدارسين والملح والبيكن بودر

بالعجانه نركب المضرب ونخلط السكر مع الزيت والبيض.. وبعدين نضيف الطحين شوي شوي ونضيف التمر والجوز

بالمفرد (السباشولا) نخلطها عشان نتاكد من اطراف ونصبها بقوالب الكب كيك ( اذا تحبون تقدرون ترشونها بسبراي كريسكو عشان يمنع الالتصاق )وندخلها الفرن درجه حرارته متوسطه من 30 – 45 على حسب حجم الكب كيك. تختبرون النضج بعود اسنان

بهالاثناء نجهز الفروستنغ… بالجهاز الكربائي نخلط الزبده مع الشكر والفانيليا لين بتمازجون تماما وبعدين نضيف نقطه من روح الليمون و الجبن

بعد ما يتكون الفروستغ اضيف له شوي من عجوه التمر واخلطه بالقفشه بس ما اكثر عشان لا يخترب قوامها

Advertisements

4 Comments اضافة لك

  1. Anonymous كتب:

    الله يعطيج العافيه…بطبق الطريقه ان شا الله

  2. bent el deera كتب:

    غير معرف *********الله يعافيج يعافيك من كل شر ان شاء اللهوناطره رايكم بعد التطبيق :>اعتذر عن التاخير بالرد 😐

  3. Yasmeen Sahlan كتب:

    الله يرحم الوالدة رحمة واسعة يا رب… فعلا لذيذة، اول أمس سويتها ومن أحلى كيك التمر الي ذقته في حياتي للأمانة، يشبه الأنجليش كيك شوي طعمها

    1. bent el deera كتب:

      شكرا جزيلا على هالدعاء وبالف عافيه يا رب وتسلم الايادي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s