هالوصفه لذيذه… وحلاتها تكون خاثره… عاده مرق الربيان ومرق السمج استخدم فيه نفس الخضره ونفس البهار الفرق يكون بس بالترتيب بحيث اني السمج اضيفه بالنهايه بينما الربيان اضيفه في البدايه … احب اقدم معاه عيش وفرقاعه بصل ( بصل محمر )…
المقادير :
ربيان طري
شبنت مفروم
كزبره مفرومه ( ضعف الشبنت )
بصل
طماط مهروس بالخلاط
بزار
بهار
كاري
لومي اسود كامل وناعم
ملح
دهن
ثوم
معجون طماط
الطريقه:
تحمر البصل بالزيت.. ونضيف الثوم والبزار والربيان ونتركه لين يستوي الربيان ويرد يشرب مايه ( او على قوله وحده الله يذكرها بالخير لين يتعكف )
نضيف ثلثين كميه الشبنت والكزبره ونحمسهم عدل لين يتغير لونهم وينشفون ( ياخذ فتره 10 دقايق تقريبا) .. نضيف البهار والكاري والمعجون والطماط وهم نتركه على النار لين يثقل شوي… نضيف الماي الساخن والصبار ونتركه لين يطبخ نضيف باجي الخضار واللومي الكامل ونتركه لين يثقل على راحته على نار واطيه وبالعافيه
My Kitchen 
تسلم ايدج يابنت ديرتي وعلى فكره انتي نفسي احب الطبااااااااااااختحياتي أم علي وعزوز
ام علي وعزوز*************حياج الله عزيزتي منور البلوق بوجودجوياليت تشاركينا بجم وصفه من وصفاتج اذا ما فيها كلافه :>
مشكوووره حبيبتي وايد احبها من ايدين امي قبل يومين كان غدانا مرق ربيان مو طبيعي ..وبجرب طريقتج إن شاء الله وصاجه حلاه المرقه خاثره
Ļa ƒéммé*********حياج الله وهذي الساعه المباركه :>
الله يعطيج العافية وكل مرة اسوي اكله حق عيالي والمقادير مضبوطه والنكهة احلي واحلي وتسلم ايديج بس حبيت اعرف في صور للاكلات بس ما كو الوصفه اسوي بحث والقاها شكرا لج
s.albloushy***********يعله مداخيل العافيهوصراحه ونستيني :>واغلب الصور اللي حاطتهم نزلت وصفاتهم بعدها بجم يومجربي تسوين عليهم بخصايه البحثاو قولي لي اي وصفه وانا احط لج اللينك ماله :>حياج الله دوم