هالربيان حلو اول ما تشرونه طري تتبلونه وتخلونه بالفريزر ووقت اللي تحبون بس قلاي… انا احب استخدم الربيان الوسط بس اخر مره سويه الصغار… الاحلى انكم تستخدمون البقسماط الياباني والحين متوفر بكل مكان… اختي الصغيره فديتها تحبه مع سويت شيلي صوص اخده من مركز سلطان
التتبيل ماله مقادير ثابته
ليمون
وززنجبيل طري
ملح
فلفل اسود
ثوم بودر حسب الرغبه
وربيان طري
وبيض مخفوق مع قليل من الفلفل الاسود
وطحين
بقسماط
الطريقه:
يينزع قشر الربيان ويترك الذيل.. نشيل الخيط الاسود ( لان كله تراب)
يغسل و يفتح الربيان من الظهر ونخليه مثل المهفه هههههه
نتركه بخليط التتبيل ساعتين تقريبا
يغمس بالطحين ثم البيض ثم البقسماط
يترك بالفريزر حتى يتماسك ثم يقلى وبالعافيه
-
تابع
متابع
ألديك حساب ووردبريس.كوم بالفعل؟ تسجيل الدخول الآن.
My Kitchen 