مشروم او الفطر او عش الغراب · وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -اسماك وماكولات بحريه

ربيان مع الخضار


اللي يحب الخضار بيعجبه هالطبق وايد واسهل شي فيه انه وااايد سريع… طبعا الصلصات تقدرون تضيفونها حسب الرغبه مو الا تلتزمون باللي انا كاتبته وخاصه الصويا صوص او اويستر صوص ( المحار) او الويسشتر صوص…
وتقدرون تضيفون سمسم محمص للويه وانا نسيت احطه …او براعم الفاصوليا اواي نوع مستنبت


المقادير:
كوسا حبه صغيره
ربع فلفل احمر
ربع فلفل اصفر
بيبي كورن
بصل حبه كبيره او وسط
ملفوف تقريبا ورقتين
بروكلي تقريبا زهرتين وسط
زهره نفس الكميه
فلفل اخضر حبه صغيره
مشروم 6 حبات
طبعا كلهم شرايح طوليه ما عدا الذره قصوها بالنص
صلصه ماجي السائله
تاي فش صوص
زيت نباتي
وزيت السمسم
ثوم مهروس
زنجبيل مهروس
جم ورقه بقدونس للزينه حسب الرغبه
ربيان تقريبا 400 غرام
رشه من
الكمون
الفلفل الاسود
الزنجبيل البودر

الطريقه:
ناخذ الربيان ونحطه بجدر على النار مع البهارات ويترك حتى ينزل مروقه ويرد يشربه
نحط نوعي الزيت بالووك او المقلا ونحمس البصل شوي لين يذبل وبعدين نضيف الثوم والزنجبيل والخضار بالتتابع ونضيف نوعي الصلصه ورشه ملح ( بس مو وايد لان الفش صوص مالحه)
وبعدين نضيف الربيان .. ونقلبهم شوي عشان نتاكد نت تمازجهم وان الخضار نضجت عدل ويقدم… يزين باوراق البقدونس
وبالعااافيه

Advertisements

2 thoughts on “ربيان مع الخضار

  1. يعطيج الف عافية و يا ريت تحطين باجي الوصفات اللي اعلنتي انج بتنزلينهم مثل المجبوس والعيش البخاري و غيرهم امبيه ماشاءالله عليج مبين طباخج يهبل الصور تزوغ القلب يا بخت اللي بيتزوجج امه داعيتله بليلة القدر D:

  2. TrUTh******الله يعافيج حبيبتيومن عيوني ان شاء الله انزل اكبر كميه باذن الله.. مقرره انزلهم وانزل وصفات ثانيه غيرهم وايد بس الوقت مو بصفي كلشمايصير خاطرج الا طيب.. ومشكوره ربطتي لساني مادري شقولتسلمين والله وهذا من طيبج

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s