مجبوس لحم مع حشو البصل والجزر…

مجبوسي يكون لونه مايل للاحمر لاني اسويه بالطماط.. وهذا اكثر طبق يطلبونه مني خواتي وابوي .. بالشتا لتوفر الشلغم ( اللفت) اطبخه معاه
بعلمكم طريقتي وطريقه صلصه الخضار اللي دايم اقدمها معاه… انا عندي صور مفصله حق هالوصفه بس بكتفي بالصوره النهائيه وان شاء الله ارد انزل صور الخطوات بيوم ثاني
انا اطبخه بجدر الضغط لان اسهل لي وسرع

بسم الله

تحتاجون حق لحم مسلوق شوي مع بهارات ووبعدين نقط الماي ونغسله بماي حار عشان نتاكد من زوال الزفر=> وايد متعقده من زفر اللحم وخاصه العربي

عيش منقع بماي دافي وملح
بصل مكعبات
حبه كبيره شلغم
طماط مفروم
معجون طماط
بهارات عدله ( كزبره و حبه حلوة وكمون وفلفل و مسمار وورق غار ودارسين وهيل ولومي وزنجبيل )
بهارات ناعمه شوي بزار بحريني ولومي ناعم ودارسين و بهار لحم
عصفر او زعفران حسب الرغبه … انا احط عصفر
مطري لحم حسب الرغبه
مكعب ماجي
واكيد زيت.. وانا افضل زيت دوار الشمس لانه خفيف

والحشو نحتاج

بصل مكعبات
جزر مبشور
كاري
بهار حشو
ملح
فلفل اسود
رشه هيل ناعم
حب مقشر غير مملح ( من ارض الطبيعه)

الطريقه :

نسخن زيت بجدر الضغط ونضيف البصل ونحمسه عدل لين يتغير لونه
وبعدين نضيف البزار البحريني مع البهارات العدله ونحمس عدل ونتاكد ان ريحه البهارات ظهرت

نضيف اللحم (اللحم مسلوق شوي وزاهب ) ونحمسه وبعدين نضيف الطماط والمعجون والمطري ومكعب ماجي والشلغم و نخليه لين يغلي وبعدين نغطي الجدر ونخليه ساعه الا ربع او نص ساعه على حسب كميه اللحم
بعدين نشخل اللحم والماي …ونحط على اللحم لومي ناعم ودارسين وهيل وبهار لحم وملح ناعم وندخله الفرن
والماي نملحه و نسويه جزئين جزء للعيش وجزء للصلصه
نرد الماي على الجولة وننطره لين يغلي ونحط العيش وننطره ينشف ونرش عليه هيل ناعم وبهار و نحطه بنار واطيه لين يستوي وما ننسى نرشه بشوي دهن عشان لا يلصق العيش
والجزء الثاني نحط عليه الخضار اللي نحبها مثل الكوسا والجزر والبطاط مع زياده معجون وحبه لومي
بالنسبه للحشو
نحمس البصل من غير دهن في البدايه لين ينزل البصل مايه ويرد يشربه .. بعدين نضيف زيت و الجزر المبشور والبهارات والحب
وبالعااااافيه
Advertisements

2 Comments اضافة لك

  1. Anonymous كتب:

    هل اترك النار هادئه في جدر الضغط او اخليها على الحراره العاليه ؟؟؟

  2. bent el deera كتب:

    عاليه اذا حبيتيه ينضج اسرعوحياج الله :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s