ارز بخاري


الله اكرمنا قبل جم سنه ورحنا المدينه المنوره… منها ذقت البخاري وحبيته.. نكهه المسمار او القرنقل يظهر فيه بقوه وبعدين لونه برتقالي محمر وانا احب العيش الملون
الدياي حطيت عليه بهار تندوري مع معجون للنكهه وشلت شوي من الحمسه للحشو
تحتاجون البهار الخاص للبخاري… انا استخدم بهارات اسناد

المقادير:
2ديايه منزوعه الجلد ومقطعه حسب الرغبه
6 ك بصل مقطع جوانح
6 ك جزر مبشور
3 م ك بهار البخاري او بهار عادي بس يغلب عليه الكركم
بهار تندوري
هيل ناعم
بهار
معجون طماط
ملح
حبه زنجبيل صغيره
نص بصله
2-3 فص ثوم
بهارات كامله :10 هيل و8 مسمار و2 دارسين و 2 ورق غار
زيت نباتي
عيش ( رز ) تقريبا جيلتين
الطريقه:
نسلق الديايه بماي خالي في البدايه ونشيل الغفو ( الزفر ) اللي يطلع وبعدين نحط البهارات الكامله و الثوم والبصل مع الزنجبيل والملح ونتركم على النار لين تستوي الديايه
نعدل ملح ماي السلق وناخذ الديايه ونبهرها بالبهار والهيل والتندوري ونمسحها بشوي زيت وندخلها الفرن لين تتحمر
نحمس البصل لين يذبل ويفتح لونه وبعدين نضيف الجزر وبهار البخاري ونحمسهم لين يذبلون وبعدين نشيل جزء منه بالحشو…
نضيف ماي السلق ونتركه لين يغلي ونسقط العيش عليه ونتركه ينشف وبعدين ننقله لى نار واطيه لين يكمل سواه

3 thoughts on “ارز بخاري

  1. يقول Om MoD:

    عذاب مو عيش بخاري ..تسلم إيدج أنا شميت الريحة .. واااااااااااااااااااااااي

  2. يقول bent el deera:

    Om MoD *******الله يسلمج… وسهمج العافيه ان شاء الله :> TrUTh ******الله بسلمج… ويشرفني هالشي.. جربوها وان شاء الله تعجبكم :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s