كراعين/ كوارع/ مقادم كويتيه


كنت متردده اني انزلها لان في وايد غيري ما يفضلونها …هالاكله انا ماكلها… بس عشان روح الديمقراطيه اسويها حق ابوي واخوي… طبعا كالعاده لازم الون كل شي.. حطيت معجون طماط بس الوصفه الاساسيه من غيره .. يدتي الله يرحمها تاخذ من ماي السلق وتضيف له لوبه وحلبه وتجبس عليه عيش …ماكنت متخيله مرق احمر ولوبه شنو ممكن تطلع النتيجه فما سويتها

المقادير:
6 حبات كراعين منظفه بماي وصابون وممره على النار عشان تحرق الشعر الصغار ومشيول منها كيس الدهن ( مكان حرف V )
قطعه صصغيره زنجبيل طري
نص راس ثوم
3 حبات مسمار
21 عود دارسين او 1 صغير
2 ورق غار
2 بصل صغار
1 طماطه كبيره
معجون طماط ( اختياري )
3 حبات هيل
قفشه كبيره خل
كركم بطرف القفشه
بزار بحريني شوي
لومي كامل
ملح خشن

الطريقه:
بعد ما نغسل الكراعين .. نسلفها لمده 10 دقايق ونقط الماي والدهن ونرد نغسلها بماي حار
نقص الطماط والبصل على شكل + بس من غير ما نوصل لي النهايه
نحط الكراعين بجدر الضغط وفوقها ماي راهي وباجي البهارات ما عدا الملح والبصل والطماط والثوم والزنجبيل والخل ونتركه على النار تقريبا ساعتين او ساعه ونص
واذا استوى نملحه ونخف الدهن وبالعافيه

One thought on “كراعين/ كوارع/ مقادم كويتيه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s