ورق عنب 2…


ورق عنب بالزيت

مثل ما وعدتكم نزلت وصفه ثانيه للورق عنب …هالوصفه ترد حق يدتي وامي الله يرحمها… وهالوصفه تهبل والمقدار يكفي علبه غرشه كامله حق ورق العنب.. ماحب اترسها حشوه زايد عشان لا تنشف معاي.. ومثل ما شرحت من قبل انا احب الخضره تكون كميتها اكبر من كميه العيش…

 

المقادير:

جيله عيش مصري منقع

شدتين بقدونس مفروم

شده نعناع

2 -3 بصل اخضر مفروم

بصله متوسطه او صغيره مفروم

2 طماط مفروم

م ك نعناع يابس

مكعب ماجي

نص م ص دارسين

م ص بهار

2 م ك ملح

عصير ليمونتين بحدود ربع كوب

ربع كوب زيت زيتون

غرشه ورق عنب مغسول بماي حار

شرايح بطاط قد الجدر

وشرايح جزر قد الجدر

وحق مروق الطبخ نحتاج

3/4 كوب صبار

ربع كوب ثاني عصير ليمون

1/2-3/4 كوب زيت زيتون

الطريقه:

نصف البطاط والجزر في الصينيه ( يدتي تقلي البطاط قبل لا تصفه بس انا اشوفها مو ضروريه)

نخلط الخضار مع البهار والدارسين والماجي والليمون والزيت ليما تذبل شوي وبعدين نضيف العيش ونتركه شوي

نصف البطاط واجزر بالجدر ويفضل الجدر يكون قاعدته ثقيله …نحشي ورق العنب ونصفه بالجدر.. نصف ورق العنب المقطع او المشقق بالويه ونحط ثقل.. نصب الماي النازل من ورق العنب وماي ساخن يا دوب يغطيه واذا شربه ورق العنب نضيف الصبار والليمون ونخلي الزيت قبل السوا بربع ساعه .. او خلطو الكل مع بعض بس يدتي تسويه على مرحلتين وتعلمته منها جذي

ياخذ على النار من ساعه ونص لي ساعتين على نار هاديه

7 thoughts on “ورق عنب 2…

  1. يقول Shaima'a Alkandari:

    انزين ليش نغسله بماى حار ؟تسلم الاياااااادي عاد تدرين صج صارلي يومين ودي بورق عنب بس اللى تسويه رفيجتى بالدوااام موطبيعي مشالله

  2. يقول Om MoD:

    حبيبتي طلبتي مني طريقي حق ورق العنب بصراحة أنا ماخذتها من صديقتي بالدوام وإهي ما ادري من منو ماخذتها ..وهذي الوصفة :المقادير :شدة بقدونسشدة كزبرة ( مو الكل يحب طعم الكزبرة بالأكل )بصلة متوسطة مقطعة مكعبات صغيرةفلفل أخضر حبة متوسطةمكعب ماجي واحدزيت زيتون ( ماأدي أنا أحط على نظر عيني ما عندي مقدار )ليمون ( هم نفس الشي بدون مقدار )علبة لبن شنتورة وعيش مصري ( جيله علبة أناناس )كل هالمقادير تحطينهم مع بعض وبالخلاط الكهربائي أنا أخلطهم بمكينه براون اليدوية اللي يحطون دعايتها🙂 وتتركينه شي ليما تقريبا العيش يشرب اللبن ..عقب تحطين مقدار ملعقة صغيرةداخل ورقة العنب وتلفينها.. تكونين حاطة يمج جدر وصافة فيه بطاطا مدور وجزر وبصل وطماط ..مو كلهم تصفينهم تحت يعني بين الطبقات وطبعا هذا الشي اختياري..عقب ما تخلصين الصف تحطين ليمون وصبار منقوع بماي طبعا ودبس رمان وزيت زيتون ..أنا هذول كله بدون مقدار يعني شي تقديري ..واخليه على النار لمدة ساعتين أو أكثر ..إي واحط صحن من فوق على أساس يضغط ورق العنب ..بس مثل ما قلت لج ما أدي بعضهم يكونون ناشفين وبعضه جنه مو مستوي وبعضه اينن🙂 من جذي موقفه من زمان ما أسوي قلت خلاص انا ما اضبطه😦

  3. يقول bent el deera:

    Shaima Alkandari *******************هلا فيج حبيبتي .. والورق اغسله بماي حار عشان
    1- تروح المواد الحافظه منه
    2- عشان تلين الورقه وماتاذيني باللف وعليج بالعافيه انتي ورفيجتج وتسلم الايادي
    MoD*******يااااااااااااااااااا بعد جبدي والله مشكووووره … عجبتني سالفه اللبن والطحن الجماعي بالحشوه… و ههه طلعتي نفسي كله على النظر هههه مشكوره حبيبتي انا بجرب اسويها بس بنقع العيش بماي حار بالاول عشان وبعدين احط الخلطه فوقه ولا انتي تقصدين اطحنه معاهم؟؟…واي شكله صج لذيذ مشكووووووره :***
    Manal *******هلا حبيبتي الغاااليه.. والله يسلمج من كل شر .. تعليقج وسام على صدري لانج ما شاء الله تبارك الله شيف ومانيي شي يمج

  4. يقول Manal:

    الله يسامحجوصلتينا السما ما ادري على شنوما شاء الله عليج يا طباخت المدوناتاحنا نذوق بالصور الصراحة لما تتطور التكنولوجياونقدر نشم ونتذوق بعد:)تسلمين يالغالية

  5. يقول Om MoD:

    حبيبتي العفو ما سوينا شي ..العيش غي تطحنينه معاهم ..أنا جربت أني اطحن جزء واخلي جزي من غير طحن وجربت طحنته كله مع بعض ..بس جنه نص ونص أحسن عشان يبين العيش ..وليش تغسلينه بماي حار ..اقصد العيش ؟؟؟ومطرح ما يسري يمري ..شفتي كله على النظر لوووووووول🙂

  6. يقول bent el deera:

    Manal******صدقيني ماجامل مبين عليج ما شاء الله تبارك اللهوالله يسلمج من كل شر Om MoD*******عزيزتي الغالييييه.. مشكوووره مره ثانيه تعبتج معاي بهالوصفه.. بس بسويها بسويها ان شاء اللهوالعيش كان قصدي بعد ما اغسله انقعه بماي حار عشان اتخلص من النشا وياخذ وقت اقل بالطبخمممم احتمال اسوي نفسج اطحن جزء واخلي الباجي ان شاء الله باجر ولا عقبه اطبق :>على سالفه النظر… انا بديت اطبخ حق عايله كبيره… ماكنت بالبدايه عرف حق سوالف بو 5 انفار واقل… عاد لما اشرح حق احد تعالي شوفي الوصف نتيفه جذي .. خمطه جذي ههههه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s