ورق عنب 3 …

هالوصفه اخذتها من العضوه makeup_artest من فتره طويله كانت منزلتها بعالم حواء والحين منزلتها بموقعها الخاص شامواه هالوصفه لذيييذه لذييييذه وتهبل… ماحد ذاقها عندي الا وطلب الطريقه..

الموضوع الاصلي بمنتداها ورق عنب بالزيت يتحدى المطاعم الشاميه.. بالخلطه السريه والخطوات المصوره

هالوصفه تاخذ مني غرشتين ورق عنب من نفس الماركه المذكوره.. وازيد على الخلطه قفشتين دبس رمان عشان النكهه

المقادير:

كاستين أرز أسترالي ( صنوايت ) .

حبتين كبار طماطم بندوره

حبتين
كبار بصل .

حزمة بقدونس . تقدرين تقولين مقدار اربع قبضات .

ربع
حزمة نعناع . قبضه وحده .

شوية شبنت( اختياري ) . مايقارب ربع الحزمه
.

كأس عصير ليمون .

كأس زيت زيتون عصره أولى .

من أربع الى
خمس فصوص ثوم أو حسب الرغبه .

ملعقة طعام صلصة طماطم .

مكعب ماجي (
مرقة دجاج)

ورق نعناع مجفف او مفروم طازج تقريبا ملعقه طعام .

ملعقة صغيره بهار حلو .

ملعقة صغيره فلفل أبيض .

ملعقه
صغيره قرفه .
ملح .
ماء للسلق .
طماطم وبطاطس .

الطريقه:
ننقع العيش في البدايه
تفرم الخضار ويضاف لها البهارات ونص كوب زيت ونص كوب عصير ليمون ودبس الرمان
نلف ورق العنب بالحشوه ونصفها بجدر مصفوفه فيه حلقات طماط وبطاط
نصب فوقه ماي المتبقى من الحشوه
ندق الثوم مع النعناع ونخلطهم مع الماجي والمعجون وماي وملح ونصبه فوق ورق العنب مع باجي كميه الليمون والزيتون
شخصيا بالنسبه لي ما يحتاج احط ماي زياده بس اذا حسيتو انه محتاج ضيفوه
يطبخ على نار هاديه من ساعه لي ساعه ونص…
وبالعافيه
Advertisements

9 Comments اضافة لك

  1. أستاذ حمام كتب:

    اممممم لذيذ تسلم اييدج 🙂

  2. Om MoD كتب:

    شكل هالطريقة رهيبة وتحطم بعد ..ما عندكم خدمة توصيل ..لوووووووووووولدام نقدر نطلب بغيت اطلب طلب ما عليج أمر حبيبتي ..ابي وصفة حق سلطة باستا وبشرط تكون بالصلصة الإيطالية ..والله يعطيج ألف عافية 🙂

  3. bent el deera كتب:

    أستاذ حمام
    ***********
    شكرا .. والله يسلمك من كل شر ان شاء الله
    :> Om MoD
    *******
    انتي تامرين ما تطلبين.. سلطه الباستا انا ما اسويها الا بطريقه وحده وما فيها صلصه ايطاليه بس نطري علي هاليومين احوس واطلع لج طريقه فنتوقيه هههه

  4. Om MoD كتب:

    مشكورة حبيبتي من ذوقج ..يلا أنا ناطرة :)مع إني ودي أسويها حق يمعتنا هالاسبوع بس ما عليه نعطيج وقت..انزين شنو طريقتج 🙂

  5. Tekana كتب:

    ياعل ايدياتج ماتمسها النار

  6. Funny Q8i كتب:

    بلوقج يعور القلب ويفتح الشهية ويخرب الرجيم p;ما اقدر استحمل، علشان جذيه ماني داش الا باليوم المفتوح خخخخخ وتحيّاT

  7. bent el deera كتب:

    Om MoD
    *******
    حبيبتي عذريني على التاخير نزلت الوصفات لج وان شاء الله يطلعون على ذوقج
    وبالنسبه لطريقتي كنت ذاكرتها بالتعليقات حق وصفه الباستا السمرا

    Tekana
    *******
    شكرااااااا على هالدعوه.. تدخل القلب والله
    ولج مثلها عزيزتي

    Funny Q8i
    **********
    حياك الله اخوي… وانت بوستك ما شاء الله ممتع
    عاود الزياره باي وقت لان في وصفات تصلح للرجيم :>

  8. Anonymous كتب:

    يعطيج العافيه اختي بصراحه استمتعت باطبااقج ماشاء الله عليج فناانه حبيت اسأل اقدر استغني عن الماجي و القرفه .,؟و شنو قصدج بالبهار الحلو يعني البهارات المخلوطه العاديه .,؟

  9. bent el deera كتب:

    غير معرف
    **********
    تقدرين تستغنين عن الماجي والدارسين بس زيدي ملح نيابه عنه
    والبهار الحلو اسمه جذي بس اذا ما حصلتيه تقدرين تبدلينه بالبهار العادي :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s