عموما الوصفه وايد سهله وانا ماحب الوصفات المعقده
بسم الله نبتدي
المقادير:
علبتين جوانح فرش ( لان حجمها يكون اقل من المجمد )
تقريبا 3 بطاطات وسط مقشره ومقطعه دوائر
نص كيس او اقل من بهارات البطاط بالروزماري ( اكليل جبل ) الجاهز ( تلقونهم بكارفور او مركز سلطان او بلولو ماركت.. او تقدرون تسونها بنفسكم : ثوم بودر وملح و شوي فلفل اسود و روزماري مجفف )
تقريبا ملعقة او ملعقه ونصف زيت زيتون
و ماء كميه بسيطه
طبعا البهارات حسب الرغبه و حطيت نص فقشه صغيره من :
* ثوم مهروس
* كمون
* كزبره
* فلفل اسود
* هيل ناعم
ورشه تقريبا من :
* زنجبيل بودر
* مسمار بودر
* ودارسين حطيت رشتين
مع ملح
وكتشب ملعقتين كبار
وخل بحدود ملعقة او ملعقه ونص كبيره
وزيت زيتون تقريبا ملعقه
الطريقة
اول شي الجوانح… نغسلها بماي وطحين ونرد نشطفها
نخلط كل البهارات مع الزيت والخل والكتشب ونتبل فيها الجوانح وندخلها الفرن لما تتحمر
بالنسبه للبطاط.. نخلط كميه الزيت مع البطاط و البهارات
نشكل مغلف بالقصدير ونخلي البطاط بالنص قبل لا نسكره بالكامل نصب شوي ماي عشان يستوي على البخار و ندخله الفرن… تقريبا يحتاجون نفس الوقت
بالصحه والعافيه
My Kitchen 
يعني شسوي شجرب وشخلي ..كل شي ما شاالله تسوينه حلو ..ويمكن ساعات ما احب كل المكونات بس الصورة تشوق وودي اييب قفشة وآكل من الشاشة ..:)الله يحفظج وتسلم ايدياتج ويا بخت اهلج فيج مو لأنج تطبخين بس لأنج حدج كريمة وشكلج وايد تحبينهم من جذيه تنوعين لهم عشان ما يتمللون ..
Om MoD
*******
مشكوووره حبيبتي … واي شي تبينه قولي لا اسويه لج مع عزيمه المجبوس بس خل اقط هالكيلوات الزايده بالاول عشان اكل معاج ههههههه كلامج ذوق ذووق وهالشي مو غريب عنج لانج منبع الذوق واحرجتيني يالغلا مادري شرد شكرا *%