اطباق رئيسية · اطباق رئيسية -اسماك وماكولات بحريه · اطباق رئيسية- اطباق الارز او العيش · اطباق شعبيه

مربين ريبان طري مع حشو الربيان والبطاط…


هذا اليوم غدانا..سويته بطريقه مختلفه شوي وعجب ابوي وخواتي قدموه مع دقوس صبار او طماط وبالعافيه…
المقادير:
بصل راهي مقصص مكعبات… انا استخدمت حق هالكميه 3 بصلات كبار
ثوم مهروس
زنجبيل فرش مهروس
طماط مكعبات
كزبره مفرومه
ربيان فرش مغسول ومشيول الخيط الاسود بالظهر
كمون
بهار
كزبره بودر
كركم
هيل ناعم
لومي مطحون
ليمون عصير
فلفل اسود
مسمار
رز بسمتي نص مسلوق
زيت
بصل محمر للزينه
مكعبات بطاط
الطريقة:
نرش الربيان بالليمون والكركم والفلفل الاسود…
نقلي البطاط ونخليه على جنب..
نحمر البصل على نار واطيه لين ينشف مايه ويتغير لونه وبعدين نحط عليه الكمون والبهار والكزبره البودر ونحط فوقه الربيان واللومي ونرفع النار عشان ينزل الربيان مايه وينشف.. نحط الملح ونشيل جزء منه للحشو ونخلطه مع البطاط المقلي على النار
نرد على الجزء الثاني اللي بالنار طماط وهيل ناعم شوي ومسمار واذا ذبل الطماط نسكر النار ونخلط معاه الكزبره الخضرا المفرومه
نحط زيت بقاع الجدر.. ونحط نص كميه العيش وبعدين الربيان وبعدين باجي العيش ونرش عليه زيت بالويه وهيل ناعم ونسكره بقصدير ونخليه على نار هاديه لين يترسى العيش
نقلبه بصحن التقديم ونحط الحشو بالويه و نزينه ببصل محمر وبالعافيه
Advertisements

7 thoughts on “مربين ريبان طري مع حشو الربيان والبطاط…

  1. امبييييييييييييييييه مع اني مااحب اكل عيش بالليل بس لو جدامي الحين جان كليت بدون اي تردد :)تسلم ايدج يشوق

  2. امبيه عاد توه قبل يومين قاعدة اقول ودي لو اعرف طريقة مربين حلوة اعلمها حق طباخنا و جنج حسيتي فيني لووووول تسلمين على الأكلات الحلوة اللي تنقذينا فيها يا عسل:)

  3. ترى توه ادري انج كنتي تعبانة ما تشوفين شر سلامتجما تستاهلين الا كل خير والله:*

  4. يشوقيسلمو الأيادي اللي سوتهبغيت أسأل ..احنا بالبيت نموت على برياني الربيان المسكر بماي الورد والزعفران وأوراق النعناع بس كل ما اسويه يصير الربيان جاسي اشوي … عيزت أخليه طريهل كثرة السلق اتخليه يقسى ؟؟

  5. ReLaaaX *******الله يسلمج حبيبتي.. وعطيني عنوانج ويوصلج برسم الخدمة 🙂 TruTh *******ان شاء الله الوصفه تكون على ذوقكم.. شوفي هالوصفه هذي وفي طريقه ثانيه نزلتها وطريقه ثالثه ان شاء الله اليوم ولا باجر انزلها فيها كوكنت ميلك ووايد حلوة بس خل اخذ الوصفه عدلوالشر ما ييج حبيبتي..تسلمين على الحجي الذوق نون النساء***********الله يسلمج عزيزتيويم يم شكل وصفتج روعهبالنسبه للربيان ما يحتاج طهي وايد لان مثل ما قلتي كثره طهيه تسبب قسوتهجربي تحمسينه من غير ما تسلقينهاو جربي تنقعينه ببيبسي او سفن اب للحقيقه انا ما جربتهم بس كل اللي جربو هالطريقه يقولون الربيان يكون طري بعد النقعوانا اعرف ناس يطبخونه فيه بعد

  6. Om MoD******هلا حبيبتيالله يسلمج مسويتلكم تقرير يومي عن غدانا ههههعاد لو تدرين شكثر عندي وصفات بالمسودات مادري متى انزلها ههههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s