وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية-اطباق نباتية · اطباق شعبيه

محروق صبعه بالخضار والفقع…


هذي اول مره اسوي محروق صبعه بس من غير عدس ولا دياي… كان عندي فقع صغار قصصته وخلطته معاهم ودخل مزاجي وخاصه ان دافي وسهل الهضم وسريع بالتحضير بعد.. انا ما سويت كميه كل اللي سويته بالصحن و اختي الصغيره فطوم شاركتي فيه 🙂
المقادير
كوسا مقصصه حسب الرغبة
بطاط مقصص حسب الرغبه
فقع هم مقصص
طماط مهروس
مكعب ماجي لحم
ثوم مهروس
زنجبيل بودر
كزبره مفرومه
بهار
فلفل اسود
لومي ناعم
وملح
خبز تنور او ايراني مقصص مكعبات او حسب الرغبه
معجون
زيت
عصير ليمون
وماي
الطريقة:
نحمر البصل مع الثوم ونضيف الكزبره والطماط و المعجون والخضره والبهارات ونحركها
نذوب الماجي بالماي الساخن ونحطه فوقهم ونتركه لين يغلي
نوطي النار ونحط الخبز فوقهم ونتركه لين يطرى
نصبه بالصحن ونرش عليه عصير الليمون ونزينه بباجي الكزبره المفرومه والفلفل الاسود وبالعافيه
Advertisements

3 thoughts on “محروق صبعه بالخضار والفقع…

  1. تعالي انا ما اعرف طريقتها ما عليج ابي الطريقة اللي ما تحبينها ليش اني احب الدياي ما احب الفقع للأسف ..ناطرتج صرت وايد اتشرط بس ما عليه تحمليني :)ومشكورة مقدما

  2. اي ما قلت لج سويت طريقتج بالتبوله ..صج وايد يازت لي وايد لذيذة ..بس شنو الظاهر إني حطيت وايد ماي المرة الياية بقلل كمية الماي .والبابريكا يعطي نكهه ما كان عندي فما حطيت ؟؟

  3. اخذي راحتج بالتشرط…بالنسبه للوصفه اللي فيها دياي اخذتها من هاللينكhttp://forum.hawaaworld.com/showthread.php?t=807781والوصفات اللي فيها عدس من هاللينكhttp://www.holilah.com/vb/showthread.php?t=26309 واللي فيها بيديان هاللينكhttp://montejah.com/vb/showthread.php?p=3345جني اذيتج هههه امي الله يرحمها كانت تقصص خبز لبناني على بواقي مرق الدياي وتتركه لين يطرا الخبز وكنا ناكله على طول وعليج بالف الف عافيه على التبوله البابريكا ما تعطيها نكهه واضحه.. بس لان الوصفه الرئيسيه ذاكرتها وحطيتهاحياج الله يالغاليه ولا تقاطعين *%

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s