مطبق سمج سبيطي…


هذا غدانا اليوم مع مرق سمج.. اختي مشتهيه تقلبه بصينيه هههه.. السمجه ابوي فديت قلبه اليوم شاريها وصج السمجه الفرش تهبل بالطبخ

انا عاده اطبخ المطبق باكثر من وصفه.. اختي متنسيه على هالوصفه ..ان شاء الله اذا سويت الوصفات الثانيه اذكرلكم اياها…

المقادير:

سبيطي منظف ومقطع حسب الرغبه انا شلت الراس حق المر

كزبره خضره مفرومه

شبنت مفروم

بصل بكميه راهيه مقصص مكعبات(( انا استخدمت حق جيله ونص 2ونص بصله متوسطه))

عيش مغسول ومنقع بماي دافي وملح

زرشت مغسول عدل عدل من التراب

زيت

ملح

بهار

بهار سمج ( استخدمت ماركه مجدي )

لومي

هيل عدل وهيل ناعم

دارسين ناعم

ثوم مهروس

زنجبيل مهروس

الطريقه:

اول شي نغسل السمج وانقعها بملح خشن وعصير ليمون عشان الزفر تقريبا 10 دقايق.. واذا ما كانت فريش اخليها نص ساعه

بعدين اغسلها وارد ارشها بطحين من كل صوب وارج اغسلها عشان اتاكد ان ماكو شي متعلق بالسمجه مني مناك

ابهر السمجه ببهار السمح ودارسين وثوم وزنجبيل وشوي هيل ناعم واخليها لين تتشرب شوي الخلطه

بعدين اقليها نص قلي بزيت حامي بس ما يكون غزير.. انااحط حتى بقايا الثوم والزنجبيل اللي يطيحون منها بالمقلة عشان يتبل الزيت فيهم لاني ارد استخدم الزيت مره ثانيه

اصفي الزيت واخذ جزء منه واحمس فيه الحشو المكون من البصل والثوم والكزبره والشبنت واضيف لهم هيل ناعم وبهار ولومي بزار بحريني او بهار سمج وملح واذا سكرت الجوله احط الزرشت معاهم

اييب الجدر واحط من شويه من زيت السمج حتى يغطي قاع الجدر واصف طبقه خفيفه من العيش وبعدين السمج المقلي واحط الحشو فوقه واخر شي باجي العيش والملح وجم حبه هبل عدل وتغطيه بالماي المغلي ونتركه لينينشف مايه على نار قويه وبعدين نوطي النار ونحط تحته حديده وننطر لين يترسى العيش وبعدين نقلبه وعليكم بالعافيه

وهذا صحني الرجيمي لووول

Advertisements

2 Comments اضافة لك

  1. Manal كتب:

    يا سلام على سمك الكويتوالله يحفظ لك الوالد وتسلم ايدكم:)

  2. bent el deera كتب:

    Manal*******هلا بالغاليه .. اشوف المدونه منورهوالله يخلي لج حبايبج حبيبتي وتردين الكويت سالمه غانمه يا رب وتشبعين من سمجها

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s