مرق سمج شعوم…


الصوره ما تشوق بس هالمرقه لذيييييييذه… انا استخدمت سمجه شعوم وراس السبيطيه بالمرق..احط الخضرة بالمرق على 3 خطوات عشان اللون وعشان النكهه… احب المرقه تكون خاثره وهالشي حسب الذوق… اضافه دبس التمر كلش مو ضروريه وماكنت استخدمها بس لاني كنت بعادل الحموضه ضفتها.. بالعاده استخدم شوي حلبه خضرا بالحماس بس لان اختي حامل كنسلتها … في ناس تقلي السمج قبل لا تحطه بالمرق بس انا عندي هالطريقه اخف… جربوها وصدقوني بتعجبكم…

المقادير:

شبنت مفروم

كزبرة مفرومه

خضره سمج مجففه ( شارينها من ايران بس اتوقع انها نفس اللي يبيعونها بسوق المباركيه)

بصله مفرومه

طماط مهروس بالخلاط

فلفل علوب

معجون طماط

لومي ناعم وعدل

كزبر ناعم

كاري

بهار

بزار بحريني

فلفل احمر حار حسب الرغبه

ملح وماي حار

صبار

نص الى قفشه صغيره دبس تمر

زيت

الطريقة:

نغسل السمج عدل وننقعه بملح خشن وليمون عن الزفر وبعدين نغسله بطحين وماي… نتبله بثوم وزنجبيل ونتركه

نحمس البصل لين يفتح لونه ويصير شبه شفاف وبعدين نضيف اغلب كميه الكزبره والشبنت ونحمسها على نار خفيفه لين يقلب لونها زيتي وتحسون انها جفت تقريبا وهالعمليه تاخذ وقت بس بتطلع طعم المرق وايد احلى

نضيف بعدين اللومي الناعم و الكزبره الناعمه والبهار والكاري والملح والطماط المهروس وتقلبها شوي واخر شي نضيف المعجون قبل لا نضيف الماي والفلفل العلوب والفلفل البودر

ننطره لين يغلي ونضيف الصبار واللوميه والدبس ونقط نص كميه الخضره المتبقيه وبعدين نضيف السمج ونتركه يغلي ونخفف النار عشان لا تتفتت السمجه

بعد السوا نسكر النار و نضيف باجي الخضره ويقدم بالعافيه..

8 thoughts on “مرق سمج شعوم…

  1. يقول رابطة هويتي اسلامية:

    شارك معنا في حوارناغزة في قلب مدونمع المهندس : الحسيني لزومي الحوار موجود علي الرابطة شارك معنا في الحوار كن إيجابيا وحاول المشاركة في إنشاء بلوجر فعال حوارنا مستمر مع المهندس متي دخلت سجل تعليقك بسؤالك أو إستفسارك بالنسبة للمهندس مع تحيات رابطة هويتي إسلامية

  2. يقول vancouver:

    ماشاااااااااء اللهاشم الريحة الخنينه من اللاب توبتسلم ادياتجبنوتهعاد توني كنت في بلوغ منال ماشاءاللههناك الفناتقوهني التراااااثههههههراح تنقذوني بوصفاتكم:*****——————-بنوته قبل لا اكتب قريت البوستات اللي طافتالله يرحم الوالده ويغمد روحها الينهويجازيها كل خير لانها ربت بنت سنعة مثلجالله يخليلج الوالد وخوانج وخواتجومشكووووره على كل وصفةتستاهلين كل خيروجان زين تحفظين حقوق مدونتج الفكريهوالمفروض تكتبين كتاب للوصفات الكويتيهماشاءالله نفسج حلو بالطباخ:)))

  3. يقول bent el deera:

    Luminata *********hey…i'd like that and ai did it actually..you have a nice blog .. keep up the good work and i'll visit ur blog again for sure ;> {~المباركية~}**************هلا فيك اخوي… انا احب المحمر مع الميد بس بجرب اسويها مع محمر المره اليايهومشكور على الاضافه :> رابطة هويتي اسلامية*******************يعطيكم العافيه… وشكرا على الدعوةTekana******مشكوره عزيزتي الغاليه..وربنا يجبر بخاطرج هههه vancouver**********اهلين وسهلييين ومرحبتيييينعاد منال ما شاء الله وصفاتها تهبل .. زين ذكرتيني اروح اشوف اخر مستجداتها لوووولبالنسبه للتراث حبيبتي مجبر اخاك لان ابوي مايحب السوالف الحديثه هههههوانا صرت نفسه احب اكلات اول.. واي وصفه تبينها بحطها لج من عيونيحبيبتي مادري شقولج على كلامج في الشق الثاني.. مشكوره وايد وايد على هالدعاء اللي بهبل والله يسمع منج اميينبالنسبه للكتاب والحقوق الفكريه ماعرفعاد تصدقين انا بالاساس حطيتلي بلوق عشان وايد اشوف وصفاتي متطشره بالنت سعدت جدا بتعليقج ولا تقاطعين *%

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s