فخد او كتف غنم مشوي…

هالوصفه لها مكانه بقلبي… اخذتها من امي الله يرحمها وهالوصفه اهي واااايد مشهورة فيها…  اعتز بالوصفات اللي تعلمتها منها ومنهم هالوصفه

امي الله يرحمها كانت شيف بالفطره.. انا ماقول هالحجي عشان اهي امي بس جد ماكو احد ما اكل من ايدها وما قال لها ان طباخها عجيب

المهم

المقادير والوقت بالفرن على حسب حجم الكتف او الفخذ اللي عندكم .. انا استخدمت بهالوصفه بس كتف  والافضل تاخذونه من خروف صغير لسرعه النضج

الشحم ضروري بالوصفه فما نزيل كل الشحم نخلي جزء لانه رح يعطي طراوه ويمنع اللحم من انه يكون ناشف  … اذا كنتو مسوين ريجيم فاستخدمو نفس التتبيله مع قطعه لحم قليله الدهن واشوها عادي .. كميه البهارات تتحدد حسب الرغبه وحسب حجم اللحم وممكن اضافه اعشاب مجففه مثل الروزماري والاريغانو وغيرها للوصفه حسب الرغبه

المقادير:

بصل مبشور بحدود 3 بصلات  متوسطات ونحتفظ بالماي اللي ينزل من البصل

ثوم مقصص حسب حجم اللحم بس اتوقع نص راس ثوم يكفي

هيل ناعم

فلفل اسود

بهار عادي اي نوع

دارسين

عصير ليمون

خل ابيض

ملح

مشروم فرش ومعلب

بطاط

واذا تحبون اي نوع اعشاب عطريه مجففه

 

الطريقة :

نسوي فتحات بظهر اللحم ونغرس الثوم فيها

نخلط البصل مع الدارسين والهيل والبهار والفلفل الاسود والملح والليمون والخل ونتبل فيها اللحم عدل … ونتركها بالثلاجه لثاني يوم

نحطها بصينيه الفرن ونخلي المشروم والبطاط تحت اللحم وندخله فرن حار

بعد ساعه تقريبا نقلل من درجه الحراره ونرد نصب السوائل المتكونه بقاع صينيه الفرن فوق اللحم كل 20 دقيقه عشان تطرى عدل

بعد ما ينضج اللحم ننطر فتره 10 دقايق لي ربع ساعه وبعدين نقدمه وبالف صحه وعافيه

Advertisements

6 Comments اضافة لك

  1. Corpse Bride كتب:

    الله يرحمها ويغفر لهااا ويغمد روحها الجنه آمين..شكله مو بلس لذيذ..سوري على الكلمه .. بس سعبلت..يعطيج العافيه..

  2. bent el deera كتب:

    Corpse Bride *************تسلمييين حبيبتي على هالدعوه الحلوةوالله يعافيج عزيزتيخلاص حسبي حسابج المره اليايه اسوي واوصلج :>

  3. Corpse Bride كتب:

    اصلااا انا قمت اخاف اشوف بلوقج من الدوام..انطر ارد البيت..:)يعطيج العافيه..

  4. bent el deera كتب:

    Corpse Bride*************الله يعافيج حبيبتيعاد امس كنتي على بالي سهرانه اشوف الكارتون بالنت هههه

  5. gogo7227 كتب:

    هلا اختي
    انا لي كم يوم بس اجرب بوصفاتك
    وجربت وصفتك هذي لما جاووني ضيوف
    اللحمه مش طبيعيه
    خيال ذابت مرررررة انا سويتها بكتف غنمه
    وخذت معاي بالفرن 3 ساعات وبعدين حمرتها وطفيت الفرن ورجعت قصدرتها وخليتها بالفرن نص ساعه بعد والفرن مسكر على الحرارة الخفيفه الي فيه
    رجعت السوائل فيه مرة ثانيه وصارت شئ مرررررة رائع الكل قام يسألني عن طريقته
    والله بيضت الوجه
    واليوم بسوي البثيث وبقولك على النتايج

    1. bent el deera كتب:

      هذي الساعه المباركه ومشاركاتج تسعدني دوم :>

      عليكم بالف عافيه وتسلم الايادي
      :*

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s