لازانيا بالربيان…




نزلت الصورة من زمان ونسيت اكتب الوصفه… سامحوني على التاخير
المقادير:
بصل مفروم
3 حبات فلفل بارد مقطع حسب الرغبه ( او ملون )
بروكلي حسب الرغبه
بقدونس
ريحان مجفف
اوريغانو
علبه كريمه
بارميزان مبشور
3/4 قفشه صغيره ثوم + 2/1 قفشه صغيره
ربيان مقشر ومشيول منه الخيط الاسود
كاري
فلفل اسود
8 م ك طحين
6 حبات صغيره زبده
2 ك حليب
رشه دارسين
رشه جوز الطيب
رشه سكر
نص علبه معجون طماط
2طماط مهروس
زيت زيتون
ملح
لزانيا
بهار
جبن موتزريلا مبشور ( اخذوه قالب و بشروه بالبيت احلى )
الطريقه:
اول شي نسوي حمسه الربيان عشان بنحتاج الصلصه في البشاميل… نحمس البصل والفلفل الاخضر والبروكلي وبعدين نضيف عليه 4/3 قفشه صغيره ثوم لين تطلع ريحته وبعدين نضيف الربيان والكاري والفلفل الاسود وبهار وننطره لين ينشف وبعدين نضيف البقدونس والكريما والملح و3 م ك او اكثر جبن برميزان مبشور وريحان مجفف واوريغانو ونخليه ربع ساعه تقريبا لين يتشرب الكريما من النكهات وبعدين نصفيه ونخلي الكريمه على جنب عشان البشاميل
نحمس الطحين مع الزبده لين يشقر لونها وبعدين نضيف الحليب بالتدريج عشان لا يتكتل ونضيف الكريما ورشه دارسين ورشه جوز الطيب ونحركهم كلهم لي الكثافه المطلوبه
الحين الصلصه الحمره… نحمر زيت زيتون مع ربع قفشه ثوم وبصله صغيره مفرومه وبعدين نضيف الطماط المهروس ومعجون الطماط ونحركهم شوي وبعدين نضيف الماي والاعشاب( اوريغانو و ريحان مجفف) ورشه شكر و ملح ونخليها على نار واطيه لين تتكثف شوي
الحين نطبق بالبايركس على شكل طبقات
بشاميل
لزانيا
ربيان
جبن موتزريلا
صلصه طماط
لزانيا
بشاميل
صلصه طماط
ربيان
بشاميل
جبن موتزريلا
ونحطه بالفرن لين يستوي وتتحمر الطبقه العلويه
وبالف عافيه

6 thoughts on “لازانيا بالربيان…

  1. يقول Fashionista:

    yummmmyyyما ودج تسوين كتاب, بس تحطين له ترجمة بالانجليزي عشان خدامتنا تقدر تسويه؟

  2. يقول bent el deera:

    Fashionista ************حياج الله عزيزتي… ووبلغيني اي وصفات عاجبتج و انا انزلج اياها بالانجليزي من عيوني :>

  3. يقول vancouver:

    اخاف احط الربيان باللازانياريلي يزنطنيلووووووووووووووووووووولالمربين عنده مقققققققدساقوم احط الربيان بالباستاهههههههبس شكلها الاكله تشووووقيمكن اجرب في ربعي:)))

  4. يقول Tekana:

    اول شي تسلم ايدنجبس مادري ليش ماتخيل احط الربيان بسوالف الباستا وجذي احس تطلع مادري شلونتهقين اجربها؟

  5. يقول Manal:

    يا سلام على الابداع:)تسلم الاياديمتفقين هالمرة بالمواضيع المطبخيةانا موضوعي الكانالوني بالتونة:)

  6. يقول bent el deera:

    vancouver**********وي وي اسم الله عليج.. خليج عيل بالسيف سايد وطبخيله بس مربين.. ما تسوا عليج زناط ههههههههجربيها بربعج وعطيني رايج لاني ما ذقتها .. عمايل الرقيم ياختي لوووووليا حلوج وحلو سوالفج Tekana*******الله يسلمج من كل شر عزيزتي… واذا انتي مو حابتها لا تجربينها و اذا خايفه من الزفر .. الفرش يكون اقل زفر من المجمد (( هذي وجهه نظري)) واهلي كلوها وما حسو بزفره.. وهم سويتها حق حموله اختي حبوهابس اذا متردده جربيها بس بخضار.. او بكميه صغيره وشوفي 🙂 Manal******هلالالا بالغااليهتسلم ايدج وبالعافيهشوقتيني على الوصفهلي زياره عاجله حق مطبخج لووولوتسلملي هالطله :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s