وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -اسماك وماكولات بحريه

ربيان مشوي…

هالمره يايبتلكم ربيان عجييييييب كل من بيذوقه بيدعيلي… وايد سهل وسريع و طعمه رهيييييب

المقادير وايد سهله :
انا ماذكر الكميه عدل بس كانت راهيه… اتوقع بحدود 2-3 كيلو

2 م ك كزبره ناعمه
2 م ك بهار ارجنتيني من ماركه عبيدو او بهار ماجيك مال الفاهيتا المتوفر استخدموه
3 م ك بصل مبشور
3 م ك بقدونس مفروم
2/1 كوب زيت زيتون ( لا تقولون وايد ترا كان زين على الكميه)
2/1 كوب عصير ليمون
2 م ص ثوم بودر
2 م ك ريحان مجفف او أي اعشاب مجففه تحبونها مع الربيان
1 2/1 – 2 م ك اوريجانو مجفف او اخضر
4/1 م ص فلفل احمر حار
4/1 م ص فلفل اسود
2/1 -4/3 م ص بابريكا
2 م ص كمون
1- 1 2/1 م ك ملح او حسب الذوق

الطريقه :
اخذو مقادير التتبيله خلطوها مع بعض عدل ونقعو فيها الربيان المنظف والمغسول انا اقصه من صوب الظهر وواشيل الخيط الاسود واحتفظ بالقشره عشان لا تصغر وايد اثناء الشوي
تبلو الربيان فيها ساعه تقريبا او اقل
طبعا يفضل يكون عندكم صحن الفاهيتا عشان لا يبرد الربيان عند التقديم وهم يطلع شكل وايد حلو
تقدرون تقدمونه مع سوتيه فلفل وبصل يطلع يهبللل وتنثرون عليه بقدونس مفروم وعند التقديم عصرو شوي ليمون يطلع لكم صوت تشششششششششش يونس

Advertisements

3 thoughts on “ربيان مشوي…

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s