كرواسون محشي بالسبانخ والجبن

هالوصفه العجيبه من بنات افكاري… عجيبنه الكرواسون عاده استخدمها جاهزه بالعلب لانها متعبه وتاخذ وقت طويل اذا بسويها بيدي… نصيحتي تمتعو فيها وهي حاره من الفرن …

المقادير:

عجينه كرواسون او اي عجينه فردوها وقطعوها بشكل مثلث 30-60

سبانخ فرش حوالي ربطتين او 3

بصل اخصر 3 اعواد

زيت زيتون م ص

حب قرع مقشر حسب الرغبه

سماق رشه

ملح

جبن شيدر مبشور

سمسم للزينه

الطريقة :

 

نفرد العجينه ونفصلها بشكل مربعات (( استخدمو اي عجينه مفضله مو الا عجينه الكرواسون) )

نحمس البصل الاخضر بزيت الزيتون ونضيف له السبانخ لين يذبل ونضيف السماق والملح والحب القرع… شوفو اول ما حطيته كان شكثره

الحين نيي للتطبيق… نحط جبنه مبشوره وخليط السبانخ بالنص ونحاول ما نكون قراب من الاطراف

وبعدين نلفها ونقرصها شوي عشان لا تطلع الحشوه ونكمل دحرجتها للاخر ونعكف ريولها عشان تطلع بهالشكل وبعدين نرش سمسم بالويه…

وبعدين ندخلها الفرن الحار على درجه حراره 180-200 درجه مده 10-15 دقيقه

الإعلان