هذا بيكون ان شاء الله غدانا اليوم… هالوصفه من الوصفات السهله جدا.. وطعمها حلو ..وتقدرون تستخدمون فيها اي نوع دياي تحبونه ومناسبه جدا لبواقي الدياي بعد…كميه ونوع الخضار تضاف حسب الرغبه
المقادير:
مشروم فرش شرايح
فلفل اخضر مقطع طولي
بصل شرايح
بقدونس مفروم
ثوم مهروس
كريما
جبن موتزريلا
ماجي
كاري
بزار
معكرونه مسلوقه
دياي مسلوق او مشوي مسحب
زيت نباتي
شوي من ماي سلق المعكرونه
الطريقه:
نحمس البصل لين يذبل شوي وبعدين نضيف الثوم والكاري والبزار والدياي ونحمسهم عدل
نضيف المشروم والفلفل الاخضر وننطرهم لين يذبون نضيف شوي من ماي سلق المعكرونه والماجي ونخلطهم على الناره ليين ينشف نضيف البقدونس
نضيف الكريمه ونخليها شوي
واخر شي نضيف المعكرونه نخلطهم مرتين ونسكر النار ونضيف الجبن ونخليه يذوب من حراره الباستا
يا ينوكل بالعافيه او ينرش جبن على الويه ويدخل الفرن لين يتحمر الطبقه الفوقيه
-
تابع
متابع
ألديك حساب ووردبريس.كوم بالفعل؟ تسجيل الدخول الآن.
My Kitchen 
ما شاء الله ..شكل الطبق جدا جميل .. بالعافية
قوة حبيبتييا ليت تسوين لنا شي حق الي محافظين على الاكل الصحي, يعني نفس الوصفة بس من غير دهن و شكر, انا اتكلم بشكل عام مو عن الباستاو حق الي فيهم سكر و جذيهتسلم الايادي طبخك عجيب عجيبالمعجبة
مرة ثانيةادري فيه وصفات هني صحية بس بصراحة مشتهية فوتوشيني الفريدو بالمشروم و الكريمة بس ابيها صحيةشوفي لي طريقة :)و هم تسلم الانامل الذهبيةالمعجبة
صباحوووو..انا احب هالباستا واااااايد..خل اقولج..انا كلا استخدم شورما الدياي..تطلع لذيذه وايد..واحط بروكلي مع المشروم..وتسلم ايدج..يعنااااااااا..
ماشاء الله عليج قعدت اشوف طبخاتج كلها محترفه ماشاء الله وتسوين سواليف انا ماسويها امي بس تسويها عيني عليج بارده عجبتني خلطه البيتزا بالخبز و اللحم خطير من المتابعين وهالصفحه بالمفضله يعطيج العافيه
تسلم ايدياتجانا اسويها بنفس الطريقه تقريبا بس شكل مالتج احلى 🙂
بدعتي ماشاااااااااااءالله بنوتهالباستا غرااااميوشفت الحشوه مالت الكرواسون خطيييييييييييييييييرهماشاءاللهوالمنهنه شوقتيني اسويييييه بس حسييته صعب يضبطتسلم اييييييييدج بنوته
غير معرررفةاللي تدور وصفة الفيتوتتشيني الصحيجربي ما تحطيين ابدا كريمهبدالها حطي جبنه فيلادلفيا اللو فاتواي جبن تضيفينه خليه لو فاتواللي اعرف انه البارميزان الفريش مافيه وايد سعراتوكثري البروتين بدل ما تكون الصلصه اهيا الغالبهواكو نووووووع حلو يديد من الباستا يكون مصنع من الدقيق الاسمرترى بعد الطبخ ما يبين الطعم وايدهالله هالله بالصحة:)))))
السلام عليكم موقعج حده عجيييب يعطيج الف عافية 🙂
قمت أحاتيج وينج من زمان ؟؟؟
مدونة جميلة ، راح أخليها بالمفضلة ،تسلم إيدج يا بنت بلدي ، ويعطيج ألف عافية ياااا رب ،هذه أول زيارة ولن تكون الأخيرة ،سأظل متابعة 🙂 ،
ترى صج غطيتي..وينج لا حس ولا خبر؟؟انشالله المانع خير
AbWaBy *******شكرا جزيلا :)مرورج وتعلقيج الاجملوحياج الله
غير معرف (المعجبه)********************من عيوني ان شاء الله انزل اطباق باستا تمشي مع الرجيم والاكل الصحيمثل ما قالت فانكوفر الغاليه تقدرين تخلطين جبن فيلادلفيا او تستخدمين كريمه لوفات او تبدلين الكريمه بصلصه من مرق دياي وطحين تخلطينهم على النار لين تثقل شوي(( تقليد البشاميل ))وان شاء الله كل وصفه دسمه انزلها انزل شنو بدائلها وشلون نحولها صحيه قدر الامكانانتي تامرين امر :>
Corpse Bride *************هلا بالغاليه… مشكووره حبيبتي على الاضافات الغنيه احسها صج بتطلع احلى مع اضافاتج وان شاء الله اجربها قريب
عــــــابره************مشكوره حبيبتي وكلامج شهاده اعتز فيهاالله يخلي لج اميمتج ان شاء اللهوسعيده بمتابعتج وان شاء الله الياي احلى :>
Tekana********الله يسلمج من كل شروصاجه هالباستا كل بيت يسويها ودامج مسويتها اكيد بتطلع لذيذه من تحت ايدج مشكوره حبيبتي :>
vancouver**********حبيبتي والله انتياول شي مشكووووره على الاضافه ما قصرتي واللهوسعيده جدا ان الاطباق اللي احطها يازت لجترا المنهنه مو صعب وايد نفس المجبوس بس الحماس اللي بالبدايه يبيله مجابلتصدقين عاد انا مصوره الخطوات كلها بس من الكسل ما نزلتهم ذكرتيني خل انزلهم على يوممشكوووووره حبيبتي ولا تقاطعين :>
om comment kuwait******************تسلمين حبيبتي وشهادتج وسام على صدري 🙂
Om MoD*******هلا بالغاااااااليهشلونج وشلون مود ويسور ان شاء الله كلهم بخيرتسلمين حبيبتي والحمدالله ماكو الا الخير ان شاء اللهمشكوره على السؤال و ما تفقدين غالي يارب
NoOoR ******حياج الله حبيبتيمشكوووره
روعة الصورة عاد حدي يوعاااانة للأسف!ثانكس بنت الديرة على كل أكلاتج اللي دايما حلوة و يعطيج الف عافية
TruTh******مشكوره حبيبتي ومرورج الاروع :*
عذبتيني بالمعكرونيه .. وااي اتشوق