مشروم او الفطر او عش الغراب · اطباق رئيسية · اطباق رئيسية -الدجاج والطيور

ستيك دجاح مع صلصه المشروم

تقدرون تسونه بستيك اللحم نفس هالطريقه … خواتي يحبون هالطبق فديتهم وانا عاده اسوي لهم وايد… لا تبدلون المشروم الفرش بالمعلب لان النكهه بتتغير


تحتاجون صلصله hp وصلصله ستيك … تقدرون تضيفون صويا صوص اذا تحبون

المقادير:
جيس كامل فيليه دياي
م ص ملح
نص م ص فلفل اسود
علبه او علبه ونص مشروم فرش شرايح

2 بصل شرايح
نص قالب زبده
م ص ثوم مهروس
ربع م ص زنجبيل مهروس
ربع م ص كاري او اي بهار ثاي تحبونه
مكعب ماجي دياي
كريمه
2
م ك صلصه hp
1
م ك صلصه ستيك
بقدونس مفروم للويه

الطريقه:
اخذو قطع الفيليه وقطعوها حسب الحجم اللي تبونه وطقوها بمطرقه  المطبخ عشان يقل سمكها
حمروها نص نضج بالزبده و حطوها بالبايركس
بنفس الزبده حمرو الثوم والزنجبيل والبصل والمشروم ضيفو شوي ماي اذا حسيتو ان المشروم ناشف وبعدين ضيفو الكاري والفلفل الاسود والماجي والكريمه والصلصات  وخلوها تسخن شوي.. رشو البقدونس وضيفو الملح اذا محتاجه وصبوها فوق الدياي اذا لاحظتو الصلصه صارت سائله زياده عن اللزوم ضيفو قفشه طحين مذوبه بشوي حليب فوقهم وخلطوها لين تثقل
غطوها بالقصدير وخلوها تكمل نضج بالفرن لين تثقل الصلصه وبالعافيه

Advertisements

7 thoughts on “ستيك دجاح مع صلصه المشروم

  1. آخ ياقليبي ..أنا ما أحب المشروم ..شنو تقترحين أبدله فيه :)؟؟وبعدين شنو نوع صلصة الستيك اللي تستخدمينها؟؟ لأنه عمري ما شريتها 🙂

  2. Om MoD ******هلالالالا وغلالالالانور البلوق بشوفتج :>بالنسبه للمشروم اتوقع لو تضيفين بصل وفلفل اخضر بيمشي الحال… وحتى مع البروكلي اتوقع حلوصلصله الستيك برفعها الحين بالموضوع نفسهوحياج الله غلاتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s