عيش ولحم …

مكعبات لحم عجل مدفونه بوسط العيش ومرشوش عليهم زعفران بالويه… طريقتها مقاربه جدا للبرياني بس البهارات مختلفه او بمعنى اصح مقدارها وايد اقل وماكو روب بالخلطه

هالطبق اخذته من منتدى كويتيات من العضوه غروب.. زدت عليه شوي اضافات ولغيت دبس الرمان… انصحكم فيه وطبعا تقدرون تغيرون اللحم الى شقف الغنم حسب الرغبه :>

المقادير:
لحم عجل مقصص مكعبات حسب الرغبه
بصل مفروم كبار
بقدونس مفروم
ثوم مهروس
صلصه hp
صلصه صبار
زيت نباتي
زنجبيل كامل و مقشر
حبه شلغم لسلق اللحم ويمكن الاستغناء عنها
زعفران منقع بماي دافي
بهارات كامله:
هيل
دارسين
مسمار
ورق غار
بهارات ناعمه:
هيل
فلفل اسود
بهار
بزار
كمون
ماجي حسب الرغبه (( انا ما حطيته ))

الطريقه:
نسلق اللحم باضافه اعواد الدارسين والهيل والماي لمده 10-15 د وبعدين نكب الماي
نرد نسلقه مره ثانيه مع بهارات يديده … هيل و دارسين و فلفل اسود ناعم وورق غار و شلغم و زنجبيل طازج ومسمار.. نحطهم كلهم بجدر الضغط ونخليهم لي النضج

نسلق العيش ثلاث ارباع سلق بماي مضاف له هيل ودارسين ونصفي مايه

نحمس كميه وفيره من البصل ونضيف جم حبه ثومه مهروسه ونضيف عليها البزار والفلفل الاسود والكمون والزنجبيل والهيل الناعم والبهار نضيف اللحم والماجي والملح وشوي من ماي الزعفران المنقوع وصلصه hp وصلصه الصبار الجاهزه واخر شي البقدونس ونحركهم مع اضافه القليل من الماء لين تتمازج المكونات وتنشف الصلصه

نحط الزيت بارضيه الجدر ونضيف له شوي زعفران ( عشان الحكوكه ).. نحط نص كميه العيش وبعدين خلطه اللحم واخر طبقه عيش
نرشها بالهيل الناعم و نصب الزعفران والزيت على ويه الجدر ونتركه لين يترسى العيش
نقلبه وبالهنا والعافيه
Advertisements

2 Comments اضافة لك

  1. Anonymous كتب:

    تسلم الايادي 🙂

  2. bent el deera كتب:

    غير معرف ********الله يسلمكم من كل شروشكرا :>حياكم الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s