مطبق زبيدي 2…


ذكرت لكم اني اسويالمطبق باكثر من طريقه… وهذي وصفه من وصفاتي استخدمت الزبيدي مثل ماهو مبين بالعنوان… المشكله ان الكاميرا مادري شفيها ركزت على جزء بالصوره مع انها طلعت لي بالشاشه كل الوصفه
الاختلاف بالوصفه عن الوصفه السابقه.. الحشو وطريقه التطبيق… اذا حبيتو تقدرون تضيفون زعفران مع اني ما دري شنو السر اللي يمنع اجتماع الزعفران بالسمج باغلب اطباقنا الشعبيه
بسم الله
المقادير:
سمج زبيدي
كزبره مفرومه
بصل مفروم بكميه راهيه
بهارات ناعمه:
بهار سمج واستخدمت بهارات سمج هنديه
بزار
كاري
دارسين
هيل
بهارات كامله:
دارسين
هيل
ملح
زيت نباتي
رز بسمتي مغسول ومنقوع
عصير ليمون (( وانا استخدم الربيع المعلب يؤدي نفس الغرض )) و طحين وملح خشن للتنظيف
الطريقه:
نسلق الرز بماي وملح وهيل ودارسين عدل نص سلاق
نفتح الزبيديه واذا فيها حبول نشيلها ونتركها على كتر… بالنسبه للحبول تقدرون تقلونها وتحطونها مع المطبق او تحطونها بالمرق المطفي او تقلونها وتاكلونها عادي او تسوون فيهم حمسه…
بعد ما شقينا بطن الزبيديه نغسلها عدل ونقعها بملح خشن وليمون وبعد 15 دقيقه  نرد نغسلها ونرشها بطحين ونرد نغسلها مره ثانيه
نغطيها بثوم مهروس وزنجبيل مهروس ناخذ الكركم وهيل وبزار ودارسين ونتبلها فيهم ونخليهم شوي
نخلط جزء من كميه البصل مع كزبره مفرومه و البهارات الهنديه .. وناخذ جزء منها ونحشي فيه الزبيديه ونسكرها بعود الاسنان
نحمي الزيت و نقلي السمج تقريبا نص قلاي ونشيله ونصفي الزيت… مع ملاحظه اذا في ثوم او زنجبيل طايحين بالصينيه نضيفهم للزيت عشان يتنكه حزه القلاي
بنفس زيت السمج نحمر باجي مقدار البصل مع اضافه شوي بزار او كركم وبعدين نضيف السمج المقلي و باجي الحشو ونرش الملح ونغطيها بالرز المسلوق ونرش شوي من زيت السمج على الويه ونسكر الجدر بقصدير ونتركه يتسكر على نار واطيه
وحزه النجاب يقلب بصينيه التقديم وبالعافيه
Advertisements

12 Comments اضافة لك

  1. Anonymous كتب:

    مشكوره وايدعلمتينى وايدشغلات فى الطبخ

  2. Anonymous كتب:

    يسلمووووووووووو

  3. Anonymous كتب:

    ممكن سؤال شنو الحبول ؟؟؟

  4. Anonymous كتب:

    الحبول اهوا بيض السمج ايي غلاف شفاف وداخلة حبيبات صغيره لونه ابيض ويكون ببطن السمجه على كتر

  5. Anonymous كتب:

    i love your site!! tawny ams 6e7t 3ala ur site oo geret all ur recipes 🙂 thanks hun! waiting for more recipes ;*

  6. bent el deera كتب:

    ما شاء الله كل التعليقات من الغير معرفحياكم الله ولا تقاطعون 🙂

  7. bent el deera كتب:

    غير معرف 1************العفو عزيزت و سعيده جدا انج استفدتي من بلوقي :>حياج الله

  8. bent el deera كتب:

    غير معرف 2************العفووووو وحياكم الله :>

  9. bent el deera كتب:

    غير معرف 3************الحبول = بيض السمج :>اذا ما اكلته/ اكلتيه انصحكم تذوقونه :>وحياكم الله

  10. bent el deera كتب:

    غير معرف 4***********شكرا للاجابه الوافيه والكافيه :> حياكم الله

  11. bent el deera كتب:

    غير معرف 5**************thnx sweety i'm glad enich 7abeetee my blog w inshallah ykon 3ala 6ol fi mostawa ur expectation:>

  12. Anonymous كتب:

    الصورة مو واضحة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s