هالباستا خواتي وايد يحبونها .. ودايما يطلبونها من شوكليت بار… مادري منو بالضبط عطاني هالوصفه وطلعت نفس اللي بشوكليت بار.. قلبت الصحن فصارت الجبنه من تحت ولا هي المفروض تكون بالويه
لا تحاولون تغيرون نوع الصلصه بالايطاليه العاديه لان الطعم بيفرق…اكو وصفه ثانيه وبالنسبه لي الالذ على هاللينك
المقادير:
علبه صلصه المعكرونه بالزيتون ماركه العلالي
علبه كريما سائله (( الحمره سابقا ))
ملح
رشتين تباسكو
باستا بالشكل اللي تحبونه
و جبن موتزاريلا مبشور
الطريقه:
تسلق الباستا بس مو كامل خلو فيها مقاومه شوي ومثل ما يسمونها ا ” آل دنتي “”
نخلط باجي المكونات على النار ونعدل الملح وبعدين نضيف الباستا ونخليها تتشرب من الصلصه ونرش جزء من الجبن ونخلطها بعد ما نسكر النار
نصفها بالصحن ونرش باجي الجبن على الويه وتقدم في الحال
لا تنشف لانها بتصير مو حلوه
وبالعافيه
My Kitchen 
ماعجبتني
شكلها لذيذ يعطيج العافيه
غير معرف ********اذا ماني غلطانه في تعليقات بعد عن عدم اعجابكم بوصفتين .. ومعنى هذا ان باجي الوصفات نالت استحسانكم والحمدالله على هالشي.. ان الاذواق تختلف من انسان الى الثاني :>شكرا لابداء رايكموحياكم الله ملاحظه: انا اكتب بصيغه الجمع لاني ما تشرفت وعرفت جنس المتحدث :>
DoDoq8 ********الله يعافيج عزيزتيوحياج الله :>
الله شكلها عجيب شووقني عاد احبهاواحلى ما فيها انها بدون ايدام :>بس شلون لونها جذي بدون طماط؟هل صلصلة العلالي لونها احمر؟والله يعطيج ألف ألف عافيهD=.
بنت الدييييره سويتهاطلعت عجيبه نفسها بالضبط:> كلهم استانسوا عليهابحط صورتها ببلوقي شوفيها P:.
واااي سعابيلي ساحت 🙂 لووول امووووت على المعكرونيه وانواع المعكرونيه ولي صنع المعكرونيه 🙂
kAiKa-MGroMa *************سوري حبيبتي كيكه كا قدرت ارد عليج لاني توني اشوف تعليقجالحمدالله انها عجبتج وعليكم بالف الف عافيه :>والحين ان شاء الله اروح اشوف الصوره>>> شوقتيني
fatto******ذكرتيني بالباستا وعورتي قلبي ويوعتيني هههههبكنسل الرجيم وبخلي غداي اليوم باستاوتعيش الباستاتعيش تعيش تعيشهههههه
تسلم ايدك خواتي و مرت اخوي يحبونها من جوكليت بار ان شاءالله راح اسويها الجمعة لهم بالزوارة
هلا وغلا
ان شاء الله سويتيها وكانت على ذوقكم :** … ياليت شفت تعليقج قبل لان الوصفه الثانيه تشبه مالت شوكليت بار اكثر https://aklati.wordpress.com/2011/02/10/pink-pasta-2-3
تسلم الايادي :***