مربين مع شبنت.. طبعا التسميه من الادام نفسه اللي اهو الربيان.. كثير يسالوني شالفرق بين المربين ومجبوس الربيان؟ صراحه مادري تعودت من وانا صغيره كل عيش وربيان يصير مربين لوول … هالوصفه تعود حق يدتي الله يطول بعمرها والطريقه الاصليه الشبنت يكون اكثر ومن غير مكعب ماجي الخضار…جربوا تخلطون مع الربيان سمج(( وعادة اخلطهم مع بعض )) رح يصير العيش مكس وطعمه و لا اروع…نزلت وصفات ثانيه لمربين الربيان الطري
و مربين 2
وعندي وصفه وحده على مربين ربيان ناشف مع الخضار
ابوي فديت التراب اللي يوطي عليه توه شاري سله ربيان شكبرها واغلب الربيان اللي فيها جمبو فتوقعوا مني خلال هالايام وصفات ربيان يديده :>
المقادير:
ربيان طري مقشر ومشيول منه الخيط الاسود
طماط مكعبات ( مو وايد بحدود 1 او 1 ونص)
بصل مفروم كبار
شبنت مفروم
ثوم عدل
ثوم مهروس
زنجبيل مهروس
لومي ناعم
هيل ناعم
كمون ناعم
زنجبيل ناعم
بزار
فلفل اسود ناعم
بهار حشو ( من سمراء عدن )
بهارات المجبوس بالاضافه الى هيل حبشي و ستارنيز وزنجبيل مجفف… اخذوهم من سمراء عدون تكون اوريدي مخلوطه فيهم
مكعب خلاصه الخضار
ماي ساخن
زيت نباتي
الطريقة:
البدايه ناخذ الربيان ونرش عليه كمون وزنجبيل بودر وجم فص ثوم صحيح و فلفل اسود ونخليه علىالنار لين ينزل مايه ويرد يشربه
نحمس البصل لين يتغير لونه ( واذا كنتو بتضيفون السمج حمسوه بالدهن المستخدم في قلي السمجه) ونضيف له البزار والكمون واللومي والبهار وبعدين نضيف له الربيان والشبنت ونحمسهم لين يتغير لون الشبنت ويغمق لونه
نضيف الطماط وبهارات المجبوس ومكعب خضار ماجي ونحركهم لين تطلع ريحه الحمسه… نضيف الماي الساخن واول ما يغلي نقط عليه العيش ونتركه يشرب مروقه نرش على الويه هيل ناعم وبعدين نوطي النار ونتركه لين يترسى العيش
اذا حبيتو تقدرون تضيفون زيت على ويه العيش وانا استغنيت عن هالخطوه
نجبوه وبالعافيه 🙂
My Kitchen 
شكله لذيذتسلم ايدج
اووووفذبحتني الصورةههههههههذي أكلتي المفضلةشكلة لذييييييذشهيتيني:)
مساء الخيرمسوي لي ارشيف خاص لمدونتج حق الزمن هههههبغيت اطلب مقادير أكلة..ما عليج أمر..هل في مرة أكلتي بمطعم الخليج الصيني اللي في حولي يم صالون حنان دشتي؟.. عندهم طبق اسمه (كندو شريمب، أو كندو جيكن).. المهم الصلصة هذي غرامي، تعطي طعم حامض حلو.. هل عندج مقاديرها؟
Bloggerista ************مشكوره عزيزتيوالله يسلمج من كل شر :>
7osen*******ما قصرت اخوي ومداخيل العافيه يا ربشكرا جزيلا :>وحياك الله
إمـرأة لا تُنسـى****************هلا حبيبتي مساء النور والكرامهتصدقين فكرتج عطتني فكره اني اسوي لي ارشيف حق الوصفات لاني ساعات انزل وصفه وماذكر اذا كتبتها قبل لووووولبالنسبه للمطعم لا للاسف ما مريت عليه :(.. بس صلصات السويت & ساور عاده اخذها جاهزه من مركز سلطان او بالجمعياتبروح ان شاء الله هناك وبشغل الحواس الذوقيه وبوافيج بالاخبار :>.. اعتقد عندهم فرع بالفود كورت بالمارينا مو؟
صباحج خيرأحب شغل الصلصات الجاهزة، شكلي باخذ لي فرة محترمة في مركز سلطان :)عندهم فرع في المارينا، بس ما انصحج فيه :))جربي اللي في حولي.. ترى حيل يفرق عن فرعهم الثاني، احس انهم في المارينا “خبيصة” وأكل بارد!في حولي، كل شي فرش إييج حار توه طالع من المطبخ!ان رحتي طلبي اي نوع من الكيندو، وعندهم ستيك لحم اطلبيه سبايسي (تراه ألذ من العادي)اشرايج اعزمج؟ إتيين؟ :)))
إمـرأة لا تُنسـى****************صباحج ورد ونرجس :>اي زين تسوين اخذي لج فره.. انا وايد احوس بهالاماكن ههههههبالنسبه للمطعم شوقتيني اكثر عشان اروح له وان شاء الله اذا رحت باكل واثوب لج ههههومشكوره يا قلبي عزيمتج وصلت :**