كلبيت له وصفه للعرايس وكلهم حلوين… وهالمره سويتها بطريقه يديده شوي وطلعت هم حلوه… طعمها ما يشبه العرايس اللي بالمطاعم حاولت ادور لها اسم ثاني بس مخي مبند 😛
بتلاحظون ان طبقه الحشوه خفيفه.. انا سويتها جذي لاني ماحب اللحم وايد وخاصه اذا كانت الخبزه خفيفه.
المقادير:
لحم مفروم بحدود نص كيلو
بقدونس مفروم بحجم اصغر من التبوله
بصل مفروم صغار
طماط مفروم صغار
كاري
فلفل اسود
ملح
ما يونيز تقريبا 3-4 قفاش
كتشب تقريبا 3-4 قفاش
ماجي مكعب واحد
صنوبر محمص
زيت زيتون
خبز
الطريقة:
نخلط مقادير الحشوة ( كل المقادير ما عدا الخبز وزيت الزيتون )
نمسح الخبز بزيت زيتون من داخل وبرا >> عهشان يكون مقرمش اذا دخلناه الفرن
نحشيه بمقدار من الحشوه وندخله الفرن لين يتحمش وبالعافيه
My Kitchen 
خلاص الغدا اليوم عرايس 🙂
قوة سؤال يا حلوه الحين امسح اللحم ني داخل الخبزة؟زين يستوي بعد شكثر؟ و يستوي عدل؟المعجبة
Bloggerista
*************
يعله مداخيل العافيه ان شاء الله
قوليلنا شلون سويتيه وشلون طلع :>
غير معرف
********
هلا بالمعجبه الغاليه بالنسبه للحم احطه ني ولاني امسح مسح خفيف فعلى ما تتحمر الخبزه يكون اللحم مستوي واذا كنتي حاطه كميه كبيره وتخافين ما تستوي بسرعه غلفي الخبزه بقصدير لين ينضج اللحم وبعدين شيلي القصدير وحمريها بالفرن عندي وصفه عرايس اللحم يكون ناضج قبل لا ينحشي بالصمونه ان شاء الله ادورلج الوصفه واكتبها :>
احلا شي بالاكل لبناني العرايس يمي يمي اموت عليه
fatto
******
بالعافيه انا بعد احبه يم يم بس هالعرايس ما تشبه العرايس اللبنانيه كلش :>
مشكروه وايد يالحلوه
انتي عجيبة حدج
المعجبة
المعجبه
*******
انتي والله الاروع والاعجب
لا تقاطعين :>
المعجبه
******
حبيبتي سوري على التاخير هذي اهي طلعتها لج من النت انا بس زدتها شوي دارسين ناعم وبهار وقللت باجي كميات البهار اللي اهي كاتبتها وزدت كميه الخضره لاني احب نكهتها
خلطة لحم العرايس:لحم هبر2-3 م ك بقدونس “بالملعقة”2-3 بصل متوسطة 1-2 حبة طماطم كبيرة2-4 حبة فلفل حار2-3 حبة فليفلة باردة م ك فلفل حار احمر بودرة ، م ك كمون ، م ك فلفل أسود ، م ك كاري وملح .. خبز لبناني..زيت زيتون
الطريقة:افرمي كل المكونات مع بعض ثم اخلطي البهارات معهم وبعدين حطي شوية زيت زيتون بمقلاة واحمسي خلطة العرايس لحد ما يبدأ مايها ينشف ويستوي اللحم بس حاولي انها ماتكون ناشفة بالمره ، ثم افتحي الخبزة وادهنيها بشوية زيت زيتون ثم ضعي شوي من خلطة اللحم واشويها على الشواية الكهربائية لمدة 2-3 دقايق بس يعني لحد ما يتحمرون وحطيها بعلبة او صحن بس لازم تغطينها على طول عشان ترطب وتطرى ثم قطعيها ارباع وقدميها مع الشيبس
مشكورة وايد عساج ذخرما انلام لما احبجشكرا لك يا الحلوه اموت في البخنقهاهاهاالمعجبة
المعجبه
*******
حبتج العافيه يا قلبي وسالفه البخنق سالفه … نطريها لما تكبر تصير ام العناقيص ههههه