مشروم او الفطر او عش الغراب · وصفات رمضانيه · اطباق رئيسية · اطباق رئيسية- لحوم · اطباق رئيسية-باستا او المعكرونه

معكرونه باللحم المفروم مع الخضار….


هالوصفه قريبه من الاسباجيتي الكويتي ههههه … ضفت لها خضار عشان الفايده …والنكهه صدقوني صارت احلى…بهالوصفه ضفت بس بطاط وجزر بس سويتا مره وضفت فوقهم حتى مشروم وذره واذا كنتو تاكلون بقوليات اتوقع البزاليا بتكون حلوه معاهم… ساعات اضيف نص علبه صلصه راغو الحمرا بس غالبا استغنى عنها
تقدرون تقلون الخضار او تسلقونها لتقليل فتره الطبخ …
المقادير:
لحم مفروم ( غنم او بقر حسب الرغبه)
جزر مكعبات صغيره
بطاط مكعبات صغيره
طماط مهروس بالخلاط
بصل مفروم
ثوم مهروس
زنجبيل مهروس
بهار
بزار
هيل ناعم
لومي ناعم
اوريغانو
ملح
معجون طماط
اجي نو موتو.. مو ضروريه بس تعزز نكهه الصلصه
ماي ساخن
باستا مسلوقه
الطريقة:
نحمس البصل والثوم ونضيف له البزار ونضيف اللحم المفروم ونتركه لين ينزل مايه ويرد ينشف نضيف الزنجبيل وباجي البهارات نضيف الطماط ونتركه لين يخثر نملحه ونضيف الاوريغانو والاجينوموتو
نضيف المعجون والماي الساخن والخضار ونتركهم على نار متوسطه لين ينضج الكل .. اذا كنتو بتستخدمون صلصله راغو تقللون مقدرا المعجون او تلغونه وتبدلونه بالصلصه مع اضافه شوي ملح
ونقدمه مع الباستا المسلوقه وبالعافيه
Advertisements

4 thoughts on “معكرونه باللحم المفروم مع الخضار….

  1. يا بعد عمري ..غرامي الباستا والمعكرونة وأنتي شكلج نفسي ..وبعدين أنا أدش البلوق واحتار شسوي وشختار ..؟؟تسلم إيدج والله يخليج لأهلج :)وبعدين تدرين أنا وايد اتشرط وأطلب ..جان زين تحطين لنا صورة علب البهارا تاللي تستخدمينها بكل أكلة لأني دورت بهارات الروزماري بلولو هايبر ما حصلت وسألت ما قدروا يساعدوني فقلت ياربي لو عندي رقمها جان دقيت :)وبس وايد قرقت

  2. Om MoD********هلا والله بالغاليه فقدتج من غير شروعدل كلامج اموت بسوالف الباستا والمعكرونيات واي شي فيه كربوهيدرات هههههمشكوره حبيبتي على الدعوه والله يخليج لج اهلج وكل من تحبين :>حبيبتي طلباتج اوامر عللى راسي.. وان شاء الله من اليوم ورايج احط لج صور البهارات اللي استخدمهابالنسبه للروزماري بحط لج صوتها وهي مجففه لان الشتله اللي شريتها خلصت ههههبس هذا شكله http://www.e-rcps.com/pasta/basics/ing/i/rosemary.jpgوانا حصلتها صوب الخضار المستورده يم الوترغراس والبورتبيلو مشروم بمركز سلطان السالميه تحصلينه بالشتلات اللي تكون بويه باب الدخول وبمركز سلطان شرق تحصلينه يم الخضار الورقيه باول رف رقمي ما يغلى عليج بالغاليه بس مشكله احطه على العام خخخخ

  3. حبيبتي ..ما تقصرين..لووووووووول وانا رايحه احوس صوب البهارات عبالي علبه وداخلها بهارات :)عندج فكره عن بهارات ايطالية ..يقولون عجيبه بالتتبيلات :)إذا تقدين تفيدين ..وتشكرين عالخدمات :)وآخ آخ عالكربوهيدرات 🙂

  4. Om MoD*******انتي كنتي صح الروزماري المجفف تحصلينه صوب البهارات :>بالنسبه للبهارات الايطاليه انا جربت وايد انواع بس اغلبها بتتبيل فيليه الدياي عشان وصفه جيكن سيزر او جكن بارمجانااو اخليه مع صلصات الباستا او صلصله الحمره مالت البيتزابهارات ماجيك مالت الشيف بول عجيبه بس للاسف مقطوعه من السوق صار لها فتره وانا مو راضيه اقط العلبه للحين على امل لما اروح مركز سلطان احصل مثلهاجربت البهارات اللي تصير بجيس هم اخذتها من مركز سلطان وايد حلوه حق بطاط بالروزماري وانا قمت استخدمها حتى حق الخضار السوتيهبعد شنو بعد شنواذا رحت المطبخ احوس ادورخو اختج هوايتها تجميع البهارات ساعات انسى شنو شاريه من كثرهم هههههواه واه على الكربوهيدرات لا تخليني ابجي هههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s