سلطه الخضار بالجبن…


هالسلطه الفتها لما كنت شاريه الروكيت وما استخدمته .. وهو نفس الجرجير بس اكثر حدّه وورقته طويله واضعف اذا ما حصلتوه استخدمو الجرجير العادي
هالصوره قبل لا احط الدريسنغ
المقادير:
جرجير او روكيت
خس روماني
خيار مقطع كبار
طماط مقطع كبار
جبن تشيدر بالعلب الزرقا ( كرافت او المراعي او اي نوع )
مشروم فرش مقطعه شرايح
نعناع مجفف
الدريسنغ:
خلطه الكنور الجاهزه بالريحان والثوم
مايونيز
زيت زيتون
خل
الطريقه:
تخلط مقادير السلطه ونصف الجبن على ويه ونرش نعناع اخر شي
نخلط مقادير الدريسنغ ونصبها فوق السلطه ونقدمها على طول
Advertisements

6 Comments اضافة لك

  1. Corpse Bride كتب:

    يعطيج العافيه طباختنا..انا مالي بالسلطات..الا اذا متروسه دريسنج.. السلطه عندي لها معنيين.. الفته والسيزر سلط.. وما احب الطماط..بس بقولهم بالبيت يسونها..عندي طلب وانشالله ما ترديني..ابي اسودي دياي بالكريمه..كلا ما تضبط معاي..اعرف وحده تسويها بهامبرجر دياي وتطلع لذيذه بس نحسيه ما تقول الطريقه:(

  2. Om MoD كتب:

    حبيبتي والله تشكرات وايده على الردود السريعة ..وأنا ترى نفس الحالة عندي اشتري هالبهارات كل ما سمعت عن نوع أشتري منه وعقب أنسى ..:)ألحين هذا الروزماري شفته بلولو هايبر صاجه صوب البهارات بجيس مجفف ما ادري شقصته …هذا ينفع استخدمه يعطي نكهه حلوه يعني ..وبشنو اقدر استخدمه ؟؟بعدين تقصدين بهارات ماجيك في منها نوع اسمه بع=هارات ايطاليه …انا شريت منهم خلطة الاعشاب لما قريت عندج بالبلوق مره كنتي مستخدمتها ..

  3. bent el deera كتب:

    Corpse Bride*************هلا بالغاليه تصدقين عاد عندي صوره عقب الدريسنغ بس ماحب احط صورها الا قبل احسها فرش اكثروبالنسبه للسيزر امس ماكلته من المهلب تحت ( فرع جوني كارينوز الثاني) طلبت شيريمب سيزر بس شايلين الخرشوف صج ملاغهانا السيزر عندي لازم شريمب معاه ههههواذا تبينها منزليه انصحج بماركه وشبون عجييييب السيزر مالهاساعات اذا طق ببالي امكر اخذ منهم خس مقصص و جبن بارمزان والصلصه وعاد اقلي لي بوبكورن شريمب معاهم واخلي الرجيم على الرف خخخخخخخسالفه انج ما تحبين الطماط كلش مو مثلي…انا اي شي احمر احبه هههههبالنسبه للدياي بالكريمه انا حاطه وصفه بالبلوق الصوره ما تشوق بس خواتي يحبونها وايد وتقدرين تستغنين عن الكاري لاني ماحطه وايد وتلغين البقدونس بالنهايه اذا ما تحبينهواستخدم فيها صدور الدياي المثلج الامارتي وجيسها اصفر يهبل الصدر كبير وراهي بس ترف اتوقع تقدرين تبدلينها بهمبورجر الدياي مع ملاحظه تقليل الملحواذا ما يازت لج عطيني خبر وادورلج وصفه غيرها :>

  4. bent el deera كتب:

    Om MoD********هلا بالغاليه بالنسبه للروزماري انا استخدمه مع الريش المشويه او مع الدياي بالفرن او اذا بحط بطاط بالفرن مع زيت زيتون وثوم بودراذا بسوي سوتيه احطه داخل جهاز البخار ساعات اسوي منه شاي اعشاب واخلطه مع هيل وزنجبيل ودارسين وهذي استخداماتي فيه .. بس لان نكهته حاده ماستخدم منه وايدوبهارات ماجيك واااايد استخدمها خاصه اللي بالسلمون وايد حلوه حق تتبيل الهامور او اي فيليه اذا بغلفه بالبقسماطزين قوليلي بهارات ماجيك الايطاليه وين حصلتيها؟؟ لاني ما بقى مكان مادورت فيه ومو محصلتهتبين الصج شريت بهارات البيتزا من اسناد واهي كلها اعشاب قمت اخلط منها وفلفل ابيض وبابريكا وبارميزان مبشور اللي بالعلب و شوي فلفل احمر مجروش عشان اقلدها وهم مو نفسها

  5. Om MoD كتب:

    لوووووووول ..مشكورة حبيبتي ..دوخنا هالطباخ :)أقولج لا والله أنا ما حصلت بالبهارات الاليطالية بنت عمي تقول يوصون واحد اييب لهم من ايطاليا ..يا ربي شسوي اروح ايطاليا يعني:)بس تدرين عجيب طعمها بالتتبيله :)وتشكرين مرة ثانية على استخدامات الروزماري 🙂

  6. bent el deera كتب:

    Om MoD*******ودج عاد نروح ايطاليا عشان نشتري بهار لووولعليج وعلى بنت عمج بالف عافيهحياج الله قلبي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s