بطاطا حره ….


بناء على طلب Om MoD الغاليه هذي وصفه البطاطا الحره… هالوصفه زدت ونقصت لين صارت مثل ماحب.. انا احبها مثومه و ناطعه… تقدرون تاكلونها جذي وانا احب اكلها محشيه بخبزه خفيفه مع لبنه حامضه وشرايح طماط
في بهار وايد حليو من اسناد اسمه متبل حار وهذا شكله وايد نايس مع هالوصفه

المقادير:

بطاط مقشر ومقطع مكعبات ( انا استخدمت بطاط سعودي اللي تكون قشرته خفيفه خوش بالقلي ويحافظ على شكله )

زيت زيتون

كزبره مفرومه

ثوم مهروس راهي

بهارات اسناد متبل حار (اللي صورته فوق )

كزبره بودر

ملح

عصير ليمون

زيت قلي

الطريقة:

ينقلي البطاط عادي وينحط على ورق عشان ينشف من الدهن شوي

يحمر الثوم بزيت الزيتون ونضيف فوقه الكزبره وبعدين نضيف البطاط والبهارات والملح ونخليهم شوي .. قبل لا نسكر النار بثواني نحط عصير الليمون وتقدم بالف صحه وعافيه

ملحوظه : اذا تحبونها حمره نفس عبدالوهاب تقدرون تضيفون معجون طماط واذا تحبونها نفس برج الحمام زيدوها بابريكا

Advertisements

7 Comments اضافة لك

  1. Om MoD كتب:

    آآآآآآآآآآآآآآآخ يا قلبي …يسلمو حبيبتي…والله ما تقصرين ..بس كلش بدون مقادير أحط على نظر عيني 🙂

  2. bent el deera كتب:

    Om MoD *******سامحيني حبيبتي والله ماذكر مقادير كنت احط وبسبعطيج مقادير تقريبيه بطاطتين صغارنص شده ضعيفه كزبرهنص او ربع قفشه صغيره كزبر بودرقفشه صغيره متروسه ثومرشتين راهين من البهارقفشه كبيره او اكثر عصير ليمونانا اتخيل مقدار صغير بيطلع جذي..اذا تبين مقدار عدل عطيني اليوم ولا باجر اضبط المقدار وابلغج

  3. DoDoq8 كتب:

    انا احب مالت قصر يلزززمشكوره على الوصفه تسلم ايدج

  4. bent el deera كتب:

    DoDoq8 ********عليج بالعافيه حبيبتيوتصدقين قصر يلدز للحين ما رحت له على كثر المدح اللي اسمعهان شاء الله لي روحه قريبه :>

  5. Om MoD كتب:

    يسلمو …:)

  6. bent el deera كتب:

    ام مود حبيبتيانا سويت نص المقدار وطلع اوكي بس قللي شوي من كميه الثوم ونسيت اقولج عن الملح حق نص المقدار رشه كفايه وبالعافيه :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s