سمك مقلي مع الخضار



تغيير عن عمليه القلي العادي… عمليه تعفير السمجه بالطحين الهدف منها ان السمك يظل مقرمش .. تقدرون تضيفون اي نوع خضار للحمسه و جربو جم ورقه روزماري بتعطي نكهه حلوه

المقادير:

سمج حسب الرغبه
بهار سمج ( انا اخذته من محل صوب سوق السمج بهاره حلو حق المقلي واذا مو متوفر تقدرون تستخدمون مجدي )
بهار سمج هندي بالعلب ماركه يقين
كزبر بودر
ملح
فلفل اسود
طحين
ثوم مهروس
فلفل اخضر واحمر واصفر واخضر مكعبات
بصل ابيض مكعبات
ملح

الطريقه:
غسلو السمجه ونظفوها عدل ونقعوها بملح خشن وليمون وردو غسلوها وبهرو السمجه بنوعين البهار مع ثوم والملح والكزبر ووخلوها متبله فتره بعدين عفروها بالطحين واقلوها بزيت حار.. انا كنت مسويه نويبي وزبيدي

اخذو شويه من زيت السمج وحمسو فيها خضار مع بصل ابيض نص نضج ( سوتيه ) ورشوهم بملح وفلفل اسود وخلوهم فوق السمج ورشو الويه باوراق كزبره خضرا


3 thoughts on “سمك مقلي مع الخضار

  1. يقول kAiKa-MGroMa:

    الله شوقتني فكرة التعفير :>بقترحها على امي العزيزهبما اني من عشاق التقرمش ____________بنت ديرتي بطلب منج طلب عجيب بس مو تضحكين علي P: ..ابي ودي تخترعين أكله حكوكيه LOLبما انج شيف بلوقرزي ماهر mashalah..فديت اناملج اللي تطبخ وتصور وتكتبD=.

  2. يقول bent el deera:

    kAiKa-MGroMa*************نور البلوق كيكتنا :>.. وتسلمين على الكلام الذوق يا اصل الذوق :>وان شاء الله لي جربتيها وعجبتج بلغيني :>بالنسبه للاكلات الحكوكيه تامرين امر… ان شاء الله بعد جم يوم انزل وصفه حكوكيه واساس الحكوك فيها بطاط الا اذا حبيتي وصفه حكوكه عيش او حكوكه خبز بس عطيني خبر :>

  3. يقول kAiKa-MGroMa:

    شلون حكوكة خبز اول مره اسمع @@انا احب يا عيش مع صلصه مبتكره منذوقج ..او حكوكة البطاط امي تسويها مع بصل اسود :>انا كله اكلهم مع مرق ياااااايانا بانتظار نتيجة فكرتي واختراعجلووول D=.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s