كوكيز …my best cookies …YUMMY


عشان فشوشه الغاليه جربت يمكن 6 وصفات كوكيز … وبالاخير طلعت بهالوصفه وايد حلوه و الكوكيز فيها CHOWY… واذا حبيتو تكون اكثر تشوي زيدو السكر الاسمر وقللو السكر الابيض بالمقدار
خلطت بين 3 وصفات تتشابه والاختلاف بينهم بسيط … اول وصفه من موقع اول ريسبيز… بس عيبها كانت مالحه ودسمه … والثانيه من موقع جوي اوف بيكنغ وهذي حلوه بس من تبرد تصك وتصير جنها صخره والككاو فيها يبيله زياده و طعم الفانيليا فيها طاغي… الثالثه من الوصفه اللي تيي مع جيس الشوكليت شيب من نستله وهي اساس الوصفه.. وحصلت الوصفه بالانترنت من موقع فيري بست بيكنغ
بتلاحظون اني خلطت بين الشورتننغ والزبده عشان لا تسيح وايد بالفرن وعشان اقلل الدسامه … والشي الثاني استخدمت ميني شوكليت شيب عشان تذوب بسرعه ووتوزع
وطبعا البيكان عشان التقرمش ونكهته ترا ما تبين
استخدمت السكر الاسمر dark لاني احب اللون الاسمر بالكوكيز وتقدرون تستخدمون light brown sugar

المقادير:

 2 وربع كوب طحين لجميع الاستخدامات
1 م ص بيكربونات الصوديوم
2/1 م ص ملح
1 وربع م ص فانيلا
اصبع زبده 100 غ +10 غ
نص كوب شورتننغ كريسكو بنكهه الزبده ( سمنه نباتيه )
4/3 كوب سكر اسمر
4/3 كوب سكر عادي
2 بيض كبار بحراره الغرفه
جيس كامل ( 2 كوب ) من الشوكليت شيب
2/1 كوب جوز بيكان مجروش

الطريقة:
اول شي نفتح الفرن على درجه 175 ونركب الرف الاوسط
اذا عندكم سيلكون مال الكوكيز حطوه فوق صينيه الفرن او حطو في الصينيه ورق زبده عشان لا تلزق بالصينيه

نضرب الزبده والشورتننغ ونخلط معاهم نوعين الشكر لمن يصيرون نفس الكريمه
نزيد بيضه بيضه على الخليط والفانيليا

نخلط الطحين والملح والبيكربونات ونضيفهم حق خليط البيض والزبده
نشيله من الجهاز ونضيف الككاو والمكسرات ونخلطهم بالقفشه

اذا كانت العجينه وايد سائله وتلزق غطوها بنايلون ودخلوها الثلاجه شوي..عشان لا تسيح وتصير وايد ضعيفه بالفرن انا خليتها تقريبا ساعه
واذا كانت العجينه اوكي اخذو قفشتين كبار او قفشه حسب الحجم.. وانا استخدمت قفشه الايسكريم وحطوها بصينيه الفرن
خلوها مثل الكره لا تفردونها واهي بتاخذ شكلها بالفرن مع الحراره
خلوها 8-10 دقايق بالفرن وشيلوها لا تخلونها وايد .. وبعدين خلوها تبرد جم دقيقه برا
وهي اذا بردت بتجمد وبتاخذ شكل الكوكيز العادي

وبالعافية

17 thoughts on “كوكيز …my best cookies …YUMMY

  1. يقول Om MoD:

    يا بعد عمري …ما تردين أي احد يطلبج.. عسى ربي يحفظج :)شكله حلو ..انا اسوي نوع ما ادري شنو اسمه ..هم حلو ..بس مو وايد ترف ..بجرب طريقتج..بعدين جربي كوكيز من ميني ديلاتس وايد حلو وترف🙂

  2. يقول Yin:

    وين كانت مخشوشة مدونتج؟؟وويني عنها من زمان؟تسلم هالأيادي خذيت جم وصفة من بعد إذنج :))يعطيج ألف عافية ومشكورة على هالمجهود صراحة :))

  3. يقول um_alzain:

    تسلم ايدكحلو ياحلوبجرب الوصفه وبدعيلكوكثري من وصفات الحلوياتلانها بتشدنا مثل النحلات وبتلاقينا نرفرف بمدونتجومثل مايقلون الحلو يحب الحلو

  4. يقول ضوء المطر:

    عندي سؤال ..!!شنو الشورتننغ..؟ وشغلة ثانية ، احصل المقادير هذي بالجمعية..؟ والا بكارفور..؟

  5. يقول Sn3a:

    نفسيتي اتعبت من قريت كوكيزاخييه يمي يميبس سؤالالجوكليت تشيب من الكويت؟زين شنو يعني كرسكوووبيكانياويلي لا اقوم اخوي واروح مركز سلطان الحين;p

  6. يقول bent el deera:

    Om MoD *******حبيبتي والله شكرا على هالحجي الحلو… وتبين الصج انا ما كنت افكر اسوي كوكيز من السكراتش على قولتهم كنت استخدم بيتي كوكر اللي بالعلب بس اكتشفت انه مو صعب بالمرهومشكوره على التوصيه بروح اجربه عاد تصدقين كل مره اخذ منهم تشيز كيك وما نتبهت اذا عندهم كوكيز ولا لء هههههبالنسبه للكوكيز اذا حبيتيه ترف لا تخلينه بالفرن وايد .. مجرد ما يشقر شيله حتى لو ما جمد لانه من يبرد يجمد وبيكون اترف :>

  7. يقول bent el deera:

    Yin*****حياج الله ونورتي البلوق برزيارتج الاولى :>بالمناسبه وايد عاجبني نكج :>والبلوق كله بوصفاته تحت امرج … ولا تقاطعين:>

  8. يقول bent el deera:

    um_alzain **********حياج الله بزيارتج الاولى :>جربيها وان شاء الله تعجبج وان شاء الله بكثر من وصفات الحلويات بس اعترف مع الرجيم ما قمت اسويهم وايد في وصفه ثانيه اتوقع بتعجبج بعد متروسه ككاو و3 بواحد تلقينها بقسم الحلويات :>ولا تقاطعين يا حلوة :>

  9. يقول bent el deera:

    ضوء المطر **********الشورتننغ يا عزيزتي عباره عن فات او دهنيتحمل حراره اكثر من الزبده وصلب نوعا مااستخدمه بمعجناتي والحلويات بكثره لان ما في طعم وافضل من الزبده ( الزبده فيها فات وماي بينما الشورتننغ بس فات وغالبا يكون نباتي )استخدمته بالكوكيز لان مثل ماذكرت يتحمل حراره اكثر من الزبده وما يخلي الكويكز يسيح ويحتفظ بشكلهولانه ماله طعم استخدمت نص بنض عشان نكهه الزبدهبالنسبه لسؤالج الثاني… اتوقع كلهم تحصلينهم بالجمعيه الا الكريسكو اتوقع تحصلين شورتننغ مازولا بس كريسكو ما حصله الا بمركز سلطان وكارفور

  10. يقول bent el deera:

    Sn3a*****اسم الله على نفسيتج عزيزتي :>طرشيلي عنوانج ونعالجها ;>الشوكليت شيب من الكويت اخذته من جمعيه القرين ومشرف والعديليه واخر مره من مركز سلطانكريسكو ماركه شورتننغ استخدمها بدال الزبده في الحلويات الحلو فيها ان ما فيها طعم وتحافظ على شكل الكوكيز وما تخليه يسيح لانه تتحمل درجه حراره اكثر من الزبده وما تخلي الكوكيز يقسى بعد ما يبردبيكان نوع من انواع الجوز وايد يستخدم في السينامون وهالسوالف .. انا حطيته عشان القرمشه وهذا شكلهhttp://silvercitypecans.com/Fancy-Pawnee-Pecan-Halves.gif

  11. يقول Fishah:

    بعد عمممممري تسلمين والله على هالوصفه بجربها باجر انشالله بشتري مقاديرها :)تسلم ايدج حبيبتي .. الله لا يحرمنا منج يالغاليه :*

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s