تبون حلو ومالكم خلق لويه؟؟.. جربو هذا وايد سهل
القصه وما فيها كنت حاطه عيني على كوكيزتين بحشيهم ايسكريم فانيلا وبتمتع فيهم وانا اقرا كتاب متخص بالعادات الغذائيه (( شوفو التناقض بالجمله ))
المهم رحت ولا ماكو الا وحده … ولاني ما احب ارجع بخفي حنين … فطلعت بهالطريقه
حطيت توفي لاني حسيت بطريقه ما بيعوضني عن النقص الموجود بحبه الكوكي المختفيه
اصحاب الرجيم تحذير ماكو شي ممكن انه يحولها دايت فريندلي ههههه
اذا مالكم خلق تسوون التوفي اخذوه جاهز.. بالنسبه لي احلى واحد ينباع بماركس & سبنسر وطعمه وايد قريب من البيتي
طريقه اخرى اخذو حلاو بو بقر.. مال اول وذوبوه على النار
الايسكريم اخذته جاهز.. جهازي خربان ولا جان نزلت لكم طريقه عمله منزليا
التوفي اخذت الوصفه من دردشه المطابخ بس مادري وين اللينك
المقادير:
ايسكريم فانيلا او ككاو حسب الرغبه
كوكيز
مقادير التوفي :
كوب سكر ناعم او خشن
ملعقة كبيرة كورن سيرب وتقدرون تلغونها
ربع كوب ماء
نصف كوب كريمة او قيمر
2ملعقة كبيرة زبدة او 2 صغار
ملعقة صغيرة فانيلا سائله
الطريقة:
مشروع ايسكريم ساندويش…
نذوب السكر على النار ( خلو الكسروله ستنستيل وايد احسن ) وبعدين اذا وصل لي درجه الشقار المطلوبه نحط الكورن سيرب ونضيف القيمر ونحركه بسرعه لانه رح يفور ونرده على النار واذا وصل لي الكثافه المطلوبه نحط الزبده عشان التوفي يلمع ونحط الفانيلا عشان النكهه ونتركه يبرد على كتر
اذا صار التوفي متكتل شخلوه وتركوه يبرد
نسخن الكوكيز شوي بالفرن
نحط الايسكريم
ونفتفت فوه الكوكيز
وفوقه صلصه التوفي
وبالعافيه
My Kitchen 
لوووووووووولأحلى شي بالبوست التناقض بالجملة !لووول تسلم هالإيديات والأفكار عاد شغل العيز هذا شغلي :))كيكة مقسومة نصين وأحشيها آيس كريم ساندوتش وحطي بالفراغات آيس كريم فانيلا وذوبي لج جالاكسي مع كريما KDD وصبيه فوق الكيكة وفتفتي لك شوية فليك والله ما فيش زيها :))أسرع كيكة آلاسكا بالعالم طبعا كيك البيت مو كيك القصدير !!وأي كيكة تبين بس ما تكون حالية وايدمارشميلوز مع بسكويت دايجستف وكاكاو مذوب “مكسرات” وفي الميكروييف للتسخين طبعا هذي سوالف chocolate cravings يعني لين بغيت حلو حق روحي :))يعطيج العافية والله 🙂
الله يرحم الوالدة ويغمد روحها الجنة ويحشرها مع محمد وآل محمد ويرزقها شفاعتهم.. بحق لا إله إلا الله
أبيـــــــــهخلاص ،،، انا بحوس بقسم أكلات الرجيمممممالا بقول لج..اول مرة اسمع ان احد يذوب حلاو بوبقرةمممممم تؤ تؤ تؤشكله يدوووخ..!!
:)واوما اقدر:)تسلم الاياديوين لا تقصين علينا لي زرناكمتحشين الكيك وتقولين مسويتةلول:)
احس ان مطبخي تنقصه وايد شغلات دسـمـة!!الحين لو بروح اشتري اغراض اطباق الحلو، يا اروح مركز سلطان او ماركس سبنسر او مادري وين.. احس ان الدرب طويل :(ماكو مكان واحد اخذ منه كل شغلاتي؟لأني ودي كل يوم/يومين اسوي شي من هالشغلات اللي تتحفيني فيهم في مدونتجيا تحطين لي لستة مطبخجوإلا أمر بيتكم وآخذج معاي D:
الله ابي شي شيييره .. ومن شفت هالحلو زادت عندي الرغبه في اكل الشيره 🙂 طبق شكله لذيذ .. تسلم الايادي ياحلوه 🙂
يامسا الايسكريم بالتوفي والله شوقتينيماشالله عليج ذويقه درجه اولى بالاكلتسلم ايدك على الوصفات الحلوه
سيت اقولج سويت pink pastaوايد وايد حلوه اعجبتني
تصليح سيت =نسيت
Yin ****لووولما شاء الله عليج افكارج جدا نيره وحلوه … يبيلي اطبقها :>تصدقين يبيلنا نسوي بوست حق وصفات العيز هههه ميغسي مره ثانيه على الوصفه :>ومشكوووووووووووووووووووووووووووووووووووووووووووووووره على هالدعوه الطيبه وامين يا ربوالله يرحم كل المومنين والمومنات احياء واموات يا رب
ضوء المطر**********لوووول عشان بس تعرفين هالمتن اللي فيه ما ياني هباء ههههوبعدين انا بكل وصفه احاول اذكر بدائل تخليها اكثر صحيه ان شاء الله تحصلين وصفات تعجبج يا رب :>
Manal ********اهلييييييييييييييين منوره يا كيكوبعدين لو سمحتي لا تحلطمين على صفه ين بخليها طبق الحلو الرئيسي بالزوراه هههه
إمـرأة لا تُنسـى***************حبيبتي لاغلب الاشياء اللي ذكرتها كلها تحصلينها بمكان واحد وغالبا الجمعيات او مركز سلطان بس لاني اذكر الاشياء اللي افضلها ويمكن الذوق يختلف من شخص لي الثانيوهذي الساعه المباركه اللي نروح بجوله تسوقيه مطبخيه بس الله يعينج علي كلشي يديد ابي اجربه هههههههوبالنسبه للسته يا طويله العمر اسويها يوم السبت او اليمعه حق الاسبوع كله واخلي يوم فاضي للطواريء وبناء عليه اروح الجمعيه او مركز سلطان او الشبره او لولو ماركت واشتري اللي ابيه
fatto*******احب اسمج لانه دلع فطوم اختي الصغيرهالله يسلمج حبيبتي وحياج الله :>
um_alzain ***********يعله مداخيل العافيهوشكرا حبيبتي هذا من ذوقج :>