بالصيف احلى شي طبق بارد ومنعش وماكو شي منعش اكثر من سلطه فواكه .. انا احط معاها حزه التقديم شوي ماي ورد عشان يعزز الانتعاش .. وعشان اللون الوردي احط شوي من فيمتو بالويه.. اذا ما حبيتو هالاضافه لا تحطونها وتقدرون تبدلونها بشراب الورد الوردي
مع ايس كريم فانيليا و رشه فستق مطحون بالويه بتكون رائعه واحلى صمدي… او تقدرون تحطون قشطه ولوز ورشه عسل بالويه وهم بتكون لذيذه جدا…
سلطه الفواكه اعلاه فيها الفواكه المتوفره حاليا عندي… اضافه عنصر او ازالته راجع لرغبتكم الشخصيه.. ولا تنسون الفراوله نفسي هههه
بالنسبه اذا تسون ريجم هالكميه تكفي من 10 – 11 حصه
المقادير:
كوب من كل من
رمان
كيوي
عرموط ( اجاص)
منجا
اناناس
نص كوب من كل من
عنب اخضر
عنب احمر
كوب ونص الى كوبين من كل من
تفاح اخضر
تفاح احمر
برتقال
عصير اناناس
عصير منجا
ماي ورد
فيمتو
الطريقه:
نقصص كل الفواكه ونصب عليها العصير لين تتغطى ونتركها بالثلاجه لين تبرد
وعند التقديم بمقدار غطا ماي ورد ونصبه بالويه ونحط شوي من الفيمتو عشان لونها يكون زاهي ومع الاكل بيتلون كله وبيصير وردي … وبالف عافيه
My Kitchen 
ماي ورد وفيمتو…!!قبل اسبوع ذقت في حدا المطاعم سلطة فواكه وكان طعمها عجيب غريب ،،وحدها لذيذة ، ماعرفت شنو السر..قلت ياربي اهي سلطة فواكه شنو الفنتق اللي فيها..!!لكن بجرب طريقتج واكيد بتصير حلوة..بنت ديرتي ..خفي علينا شوي ،، نبي اكلات رجيم مثل هذي …انا يمكن يزيد وزني اذا بتابع مدونتج..;)تسلم يمينج
يعطيج العافية وقواج الله على هالوصفات والصور مجهود مشكورة عليه :)))ماي الورد والفيمتو عجيب بس يبيله نجربه مع الفروت سالاد !!ثانك يو فيري فيري ماج :))
ضوء المطر ***********صاجه ساعات تاكلين سلطه فواكه ما ودج تخلصغالبا السر يكون في الشراب .. انا احس ان انسب عصير له المنجا بس عيبه ثقيل عشان جذي اخففه بعصير اناناسامي الله يرحمها كانت تسويه بعصير برتقال فرش وهم وايد حلو واحلى من العصير المعلبفي ناس تحط عصير كوكتيل مع شيرهبالنسبه للرجيم… صدقيني احاول كثر ما اقدر اني اعدل طرق طباخي واخليها صحيه اكثر حتى لو ماكانت حق الرجيم بس اوعدج اكثر من الاصناف الرجيميه في المستقبل :>
Yin *****الله يعافيج عزيتزتي والمدونه منوره مره ثانيه بوجودج :>تصدقين عاد يتني الفكره وانا بمحرم الفيمتو بماي الورد حلو جان اقول بجربه مع سلطه الفواكه ومشت معاي ههههالمشكله اني احب الون كل الاكلامي الله يرحمها عانت الامرين مني كل شي لازم احمر ولا ما اكل (( الله يرحمج يا يمه تعالي شوفيني الحين اكل الخضر واليابس لووول ))
مشكووورة يابنت ديرتيوعسى الله يرحم الوالدة ويرفع منازلها بالجنة..
ضوء المطر***********مشكووووووووووره يا قلبي على هالدعوه الحلوه والله يرحم كل المسلمين والمسلمات احياء واموات يارب