دجاج مع خضار مبخر


هالوصفه اخذتها من النت من موقع شامواه نقلا من منتدى حوا.. العيش خفيف وعجبهم بالبيت والاهم انه ما يطول وسريع
صديقات الرجيم تقدرون تاكلون منه باطمئنان لانه ما فيه زود دهون
تحتاجون جدر اللي فيه طبقه مخرمه عشان ينضج على البخار واذا مو متوفر هالجدر غطو ويه الجدر بكذا طبقه قصدير مخرم
بتلاحظون ان الوصفه فيها من المندي بس الفرق الخضار + العيش والدياي سواهم بروح… الاختلاف بتطبيقي عن الوصفه شي بسيط لان ما عندي جدر بو طبقات وايد فخليت الخضار والدياي بطبقه وحده والشي الثاني السمن اللي بالويه لغيتها .. تقدرون تحطون زيت بسيط على الويه عشان العيش يلمع (( ام مود بعد قلبي ذكرتج )) بس اذا عاجبكم شكل العيش اللي بالصوره ترا من غير زيت ولا شي
سامحوني اذا الشرح مو واضح بس بعيني النوم وان شاء الله باجر ارد اوضح كل شي معفوس وارد على تعليقاتكم الغاليه
المقادير:
ديايه مقطعه لي اربع ومزوع الجلد منها
كوسا
بطاط
جزر
بهارات عدله ( مسمار وهيل و دارسين وورق غار )
زعفران
ماجي بودر
بهار دياي
زيت زيتون شوي
عيش مغسول ومنقع
ملح
الطريقه:
نتبل الدياي بالزعفران والماجي والبهار وشوي زيت الزيتون ونتركه شوي
نقطع الخضار حيب الرغبه ونرشهم بالملح والبهار
نغلي الماي مع البهارات ونصف الدياي والخضار في الجزء العلوي ( او بالقصدير ) ونخليهم ينضجون على البخار وبعدين نشيلهم ونغطيهم وبماي الفوح نزيده ملح ونجبس عليه العيش ونقدمهم سوا

2 thoughts on “دجاج مع خضار مبخر

  1. يقول Yin مدام:

    تسلم الأيادي أمي عندها وصفة قريبة منها بس تغلف الدجاجة بملح وما أدري شنو يبيلي أسألها !!ثانك يو🙂

  2. يقول bent el deera:

    Yin مدام **********حياج الله حبيبتيوالله يخلي لج الوالدههالوصفه سويتها بيني وبينج لاني كنت بدور شي خفيفاذا سالتي الوالده عطينا الاضافات ولا عليج امر :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s