هالطبق من الاطباق الدسمه جدا… رفيجاتي يحبونه وايد سويته مره بقريش رمضان اللي طاف الله يعوده علينا وعليكم بصحه وعافيه واغلبهم خذو مني الطريقه
بالنسبه لي هالطبق مو ذوقي…. واخذته من النت من المعلم غوغل ولقيت كذا منتدى ذاكره هالوصفه بعد
المقادير:
صدور فيليه دياي ( دجاج )
فلفل ملون
بصل شرايح
مشروم شرايح
زهره مقليه
ماجي
بهار
قيمر
لبن
ملح
وفلفل اسود
بابريكا
طحين
جبن موتزريلا
بيض
الطريقة:
نغلف الزهره ببيض وطحين ونقليها
نخلط القيمر مع اللبن ونتبله بملح وفلفل اسود وماجي
نطقطق صدور الدياي لين يكون سمكها ضعيف ونتبلها بملح وفلفل اسود وبابريكا وبهار ونغلفها بالطحين ونقليها نص قلي بنفس زيت الزهره
ناخذ شوي من الزيت ونحمر فيه البصل والمشروم والفلفل الملون ونتبله بملح وفلفل اسود وماجي ونضيف له الزهره المقليه
وخلطه القيمر
نصف الدياي مع الخضار بصينيه الفرن ونرش على الويه جبن موتزريلا وندخله الفرن لين يكمل سواه
My Kitchen 
صج شكلها دسم !!بس هم يعطيج العافية :))))))في طريقة حلوة للدياي إذا تحبين الشبنت !!مايها يصير وايد دسم بس الدياية تطلع عجيبة شوفي دجاجة كاملة تحاولين تفجفجين الجلد عن اللحم صوب الصدر وبين الأفخاذ “يعني حطي إيدج بين الجلد واللحم وسوي فراغ “بعدين مسحي الدجاجة بيدك مع شوية “شوية” ملح وفلفل وبهار قالب زبدة يكون بحرارة الغرفة بس مو ذايب تعجنينه مع 43 شدة الشبنت مع شوية ملح وفلفل تاخذين 21 عجينتج وتدخلينها بالفراغ وتحاولين نوزعينها مع وضع القليل بين الأفخاذ و 21 الباقي تدهنينه على الدجاجة من برة تييبين هيل وجزر و2 حبة مسمار مع 21 تفاحة والباقي من الشبنت ونحطينه داخل بطن الدجاجة” لا تحاتين تقطيع وعفسة.. لأن هذي الحشوة بترمينها.. هي لمجرد إضفاء رائحة زكية ونزع رائحة الزفر”تحطين دجاجتك داخل كيس الفرن “لا تنسين تغلفين الكيس بقليل من الطحين” وتقدرين تحطين بيبي بوتيتوز مع مشروم كامل وفلفل أخضر حول الدجاجة” بعد النضوج ما تاخذ أكثر من ساعة أو ساعة ونص على حسب فرنج طلعيها من الفرن ومن الكيس وشيلي اللي ببطنها وبالهنا والعافيةعيش الزعفران والمكسرات عجيب معاها !!:)))نسيت أقولج وصفة ال ألاسكا السريعة يجب وضعها بالفريز على الأقل ساعة قبل التقديم وتقدرين تخلين الكاكاو المذوب ساخن وتصبينه وقت التقديم :))شكراً على الوصفات ومن كثر ما خذيت منج قلت أعطيج جم وحدة فشلة :)))
ميغسي جدا على الوصفهاحتمال اسويها باجر… انا ماكل الدياي وماحب الدسم ( كريما وزبده ومايونيز ) وايد بس اهلي يحبون هالسوالف…شكل الدياي والشبنت بيطلع رائع بديت اشم ريحه شهيه ههههولا تقولين جذي ماكو فشل بين الخوات… بالعكس انا وايد استانس اذا شفت احد مستفيد من هالوصفات :>ومشكوره على التنبيه لاني قررت اسوي هالحلو بالزواره :>حياج الله دوم :>
ظايقه تقريبا نفسا .. لذييييذ مدام بعد في زهر راح يكون ألذ اموووت عالزهر :)شكرا على الاطباق الحلوه 🙂
fatto ******حياج الله حبيبتي وعندي وصفه فلسطينيه فيها زهر ه اسمها المطفيه ان شاء الله انزله على يوم