سلطه شريمب سيزر لوقت الكسل …

كل شي بهالسلطه متوفر جاهز كل اللي عليكم تسونه تخلطونه وهم هم تاكلونه ههههه…
الكرتون او التوتس المحمص تقدرون تسونها بالبيت او تاخذونه جاهز … وطبعا تقدرون تغيرون البوب كورن
تلقون الدريسنغ بمركز سلطان بس.. واذا مالكم خلق تعنون مال كنور طعمه مقارب له

المقادير:
دريسنغ سيزر ماركه وشبون
جبن بارميزان فرش
خس منوع
توست محمص جاهز
بوب كورن شريمب ماركه خزان

الطريقه:
اقلو الربيان وتركوه يبرد شوي
غسلو الخس ونشفوه عدل وخلوه بالثلاجه عشان يقرمش
بشرو الجبن
خلطو الجبن مع الخس والتوست المحمص وصبو عليه الصلصه وخلطوها عدل
صفو البوب كورن على الويه ورشه من الجبن المبشور وبالعافيه

Advertisements

14 Comments اضافة لك

  1. Yin مدام كتب:

    فكرة ذكية !! سهلة شلون طعمه البوبكورن شرمب عاد؟فيه شرمب عجيب من أمريكانا على ما أعتقد يبيله نجربه والهامور فيليه مالهم بعد شي مو طبيعي !!تسلمين يا بنية يا لزيزة :))

  2. maha كتب:

    بنت الديرة يعطيج ألف عافية على الوصفات الرائعه تدرين كل ما حسيت بالجوع خذيت فره بمدونتج احس أشبع وأدري داشه عرض طبقت وصفة الباستا مع البينك صوص تدرين سوالف الثلاجة فاضية والمكونات موجودة وماتاخذ وقت لكن طلعت خطيييييييييرة ذكرتني بمطعم بميلانو عساج على القوة

  3. bent el deera كتب:

    Yin مدام ********ممممم طعمه حليو .. يعني مو واوانا احب السيزر مع الربيان عموما وكنت دايما اطلبها من ابلبيز (( والحين للاسف مو موجوده )) او من جوني كارينوزهذي حزه الكسل تكون سريعه وحلوهربيان امريكانا كل من يمدحه وخواتي يحبونه بس انا للحين ما ذقته .. ولاني شاريه شكثر ربيان من الدانه ناطرته يخلص وان شاء الله اخذ من امريكانا …شوقتيني اجرب هامورهم :>

  4. bent el deera كتب:

    maha ******في البدايه اقولج مرحبا كبيره على زيارتج الاولى الحلوهو الله يعافيج عزيزتي من كل شروشكرا جزيلا على هالحجي الحلووعليج بالف الف عافيه على الباستا ونستيني :>

  5. Yin مدام كتب:

    عيل راح أظل على روبيان أمريكانا !!بس جربي هامورهم أخذي الفيليه مو البرغر !!البرغر كلش مو شي !!الفيليه عجيييييييييييييب وحتى الجامبو شرمب رهييب !!يالله جربيه وقولي لي اوكي :))

  6. bent el deera كتب:

    Yin مدام *********مشكوره يا قلبي وان شاء الله بجولتي التسوقيه اليايه اخذ منه خاصه اني صديقه الاسماك وهم ببطني ههههههانا رحت فيش ماركت واكلت فيليه سلمون بصلصه الليمون والزبده حلوه اتوقع مع الهامور بتطلع بعد حلوه

  7. Yin مدام كتب:

    الهامور فيليه مالهم بريديد عليه بقسماط!!حطيه بالفرن وشوفي شحلاته وجربيه بصوص ليمون وزبدة مع مشروم وكرفس !!فيري نايس :))

  8. kAiKa-MGroMa كتب:

    اللللله فديتج تينن ..يمه زغت بروحي يوعانه بس متغديه :|امبيه باجر بسويها والخس يقرمشوكلام يشووق .. بنتتت ديرتيييي عذبتيني لوووولجبن بارميزان من راعي الزيتون مو@@؟D=.

  9. fatto كتب:

    اي والله انا صايره كسلانه هاليومين .. وهالسلطه اتشوق وسهله .. وتوني ادري ان في بوب كورن على ربيان 🙂 شكرا للمعلومه .. اتحسين من زمان مورايحه الجمعيه 🙂

  10. um_alzain كتب:

    سيزر سلط لوقت الكسل ياسلام سلموالله باين عليها لذيذه جوييسلموووا يابنت الديره كلك سنع

  11. bent el deera كتب:

    Yin مدام **********مشكوره يا قلبي متعبتج معاي وانا احب مع السمج صلصات جانبيه واذا كلش ما حصلت لي قصصت طماط وبقدونس وبلسامك وزيت وسويت لي ميني سلطه بصلصه ههههه

  12. bent el deera كتب:

    kAiKa-MGroMa************كيكه الكيكه حياج الله يا قلبيبمشرف تلقينها باخر ثلاجه اللي يم الكاشير والباجي مادري وين بالجمعيات خاصه ان جمعيتنا حدها كيري وبوك هههانا اخذها من مركز سلطان صوب الاجبان اللي قبال الخضار الورقيه بخانه الاجبان الايطاليه في كذا نوع بارميزان وكلهم نايس

  13. bent el deera كتب:

    fatto*******موجه الكسل حايشتني انا بعد مالي خلق اطبخشاطره بس اشتري سوالف جاهزه واخلطهم مع بعض ههههبالنسبه لبوب كورن موجود على ربيان ودياي بالخلطات وكذا ماركهبس ترا مافيه نكهه ربيان وايد … يعني حده بسلطه

  14. bent el deera كتب:

    um_alzain ***********تسلمين يا قلبي يا ام السنع كلهوهالسلطه سهله ومريحه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s