وصفات رمضانيه · اطباق رئيسية · اطباق رئيسية -اطباق باللبن او لبنية

كبه بلبن 3…


هالوصفه ختام وصفات كبه بلبن وفي وصفه من عبير الراشد صلصه الروب تكون خضرا ان شاء الله انزلها قريب
هالوصفه من غير بيض ومن غير عيش بس لذيييييذه … اكتشفت ان الروب المنزلي احلى بوصفات كبه بلبن وطريقته حدها سهله
واللي احلى منه روب الماعز .. امي الله يرحمها كانت تسوي لنا بلبنان دوم بحليب الماعز ( كانت تسوي لنا العثمليه والكبه والالبه مخصوص فيهم ).. هني بالكويت تحصلونه من المزارع او محل بالجابريه صوب الشناكل نسيت شسمه ( اعتقد فرش ميلك ) او من صوب المشاتل من ورا او من البان دايري
استخدمت كبه جاهزه ماركه خزان وحتى ماركه امريكانا حلوه… اذا تبون تحضرونها في منزليا كيلو هبر على كيلو برغل و بصله كبيره وقفشه صغيره بهار الكبه .. والحشوه سماق ولحم مفروم وملح وفلفل اسود واذا تحبون بقدونس او صنوبر وجوز

هالوصفه ماخذتها من النت من زمان باجي الوصفات موجوده هنا وهنا 

المقادير:
3 اكواب روب ( حاولو يكون حامض شوي )
1 كوب ماي
مكعب ماجي

نعناع يابس تقريبا قفشه صغيره
3 فصوص ثوم
10 كبه برغل
ملح
قفشه كبيره نشا
الطريقه:
نخلط الروب والثوم والنشا والنعناع بالخلاط
نقلي الكبب
نغلي الماجي مع الماي واول ما يفور نحط الروب ونحركه باتجاه واحد واول ما يثقل شوي نسقط الكبب عليه ونتركه يغلي وبعدين نوطي النار عليه ونخليه جم دقيقه وبعدين نقدمه
وبالعافيه
Advertisements

14 thoughts on “كبه بلبن 3…

  1. Yin مدام *********هههه عوافي غلاتي اليوم عاد غدانا وصفتج ( دياي بالشبنت ) وتبارك الله كلوها كلها عليهم بالعافيهحتى ما مداني اصورها ههه

  2. صج والله ؟؟شلون كانت بالأمانة عاد؟عفية عليج ماشاءالله فهمتي على شرحي بو طقة :))

  3. Yin مدام *********شكلها كانت وايد نايس ومشكوره حبيبتي والله بس انا ماكل دياي عشان جذي لما رديت البيت لقيتها مخلصه وهذا دليل انها يازت لهم وايدوشرحج يهبل واضح ووافي.. شكل الديايه حزه الحشو كان شوي يضحك جنها متورمه بس لما ذاب وتقرمش الجلد صار شكلها مغري >> هالوصف من اختيانا خليتها بصينيه الروست عشان اخفف من الدسم اللي فيها وكنت بسوي من الخلاصه عشتو غريفي بس ما صار :>

  4. لووول إذا بتسوين غريفي لازم تخلينه بالجيس ولين طبخ 43 طلعيه من الجيس وكملي من غيره واستفيدي من الصوص :)) غريفي يبيله ماشد بوتيتوز !!! عليهم بألف صحة وعافيةبس دامج ما تاكلين دياي هاج فيليه سمك أبيض خلطي ليمون وكرفس وثوم وزيت زيتون نقعي الفيليه فيه بس لازم بنفس صينية الفرن أوكي؟بعد أقل شي 2 إلى 3 ساعات شيلي الفيليهه واشويها على جريل بس عشان تتكون خطوط الجريل وبعدين رديها بالصينية ودخليها الفرن وأضيفي عليها شوية زبدة للنكهة واللمعة وبس سلامتج وعليج بألف عافية :))))طبعا لأنج ماشاءالله عليج وحافظج الرحمن طباخة ماهرة ما أعطي تفاصيل .. أدري فيج راح تدبرين عمرج :))

  5. Yin مدام **********yum yumشوقتيني على الوصفه :>مشكوره خالصوانا يمج تبارك الله ولاشي شكلي بطالبج ببلوق خاص بهالوصفات الحلوة :> ( ترا اتكلم جد)

  6. إسم الله عليج الرحمن عزيزتي أنا يالله لي خلق مدونة وحدة وبالمشاركة بعد لووول خلي مدونات الطبخ لج ولمنال ماشاءالله عليكم وصفات وسنع وتصوير روعة عيني عليكم باردة وإذا جربتي الوصفات وإعجبوك أعطيج بعد التغيير حلو وما يصير نستفيد وما نفيد:) وأي شي يطري على بالي وأحس فيه سريع وسهل أكتب لج إياه وإذا بغيتي شي ما يردج إلا كيبوردج :))

  7. Yin مدام *********مشكوره يا قلبي وهالمدونه مدونتجسدحي وصفاتج اللذيذه متى ما تبين :>ان شاء الله باجر بحيل الله بسوي صلصله الزبده مع البقدونس والكرفسالله يسامح منوله سوت لي ادمان على السلمون هههههسميتها سلامون الا مدام ين >>> عشان اعرفهاوان شاء الله اذا الله سهل باجر اصورها وانزل صورتها :>

  8. أنا ما أحب السلمون :(فما أقدر أقول لج إذا الطعم بيركب ولا لأ بس جربتها مع وايد سمج والوحيدين اللي ضبطوا هم السمك الأبيض والدوري والهامور :)ناطرة النتيجة :))

  9. Yin مدام *********امممممم اخاف اخرب السلمون ههههبس انا مجربه بفيش ماركت مع صوص الزبده والليمون وكان اوكي تصدقين عاد السمج الوحيد للي ما قمت استسيغه الدوري

  10. هلا بطباختنا القمرة تصدقين الدوري صايرة أتحاشاه هالأيام هبة الزبيدي لوول يمكن من كثر ما أكلنا دوري صرنا ما نستسيغه؟؟أستغفرالله الحمدلله على نعمه كلها :)يالله ناطرة نتايج الكيكة والسمج :))

  11. Yin مدام**********يا حلو السوالف وياج:>.. يعله مداخيل العافيه عاد الزبيدي ما يتطوفالدوري من دريت انه من انواع الكات فش وانا صاده عنه .. اخوي على الرايحه والراده يعايرني اني كنت اكل جمبس كان وايد مريح وبالنسبه للسلمون اليتيم ادري وايد تاخرت بالتطبيق بس تصدقين امس كان المفروض اسويه بس ما شاء الله يالله مداني اخلص طلباتهم على السفره عليهم بالعافيهاخوي يبي مربين وتبولهابوي يبي دياي مشوي وسلطه فلفل ملوناختي تبي يريش دياي وكيكه 3 في 1 الثانيه تبي شيكن ونقز الحارةاختي الثالثه تبي عيش وذره عشان تاكله مع الدياي المشوي وتبي تبوله من غير برغل ( الحمال وما يسوي ههه )يعني على ما خلصت الا نجبت على طول فنسيت روحي بس ان شاء الله اليوم اسويها وابلغج بالنتايج (( بيني وبينج وقلت يالله اصلا مكروه السمج يوم السبت لووول ))

  12. التنبيهات: كبه بلبن 2… | My Kitchen
  13. التنبيهات: كبه بلبن… | My Kitchen

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s