باستا سريعه بالفطر والصلصه البيضا

هالباستا سريعه جدا جدا ..  تقدرون تخلونها تقتصر على الخضار( مع البروكلي والكوسا حلوه ).. عيب هالصوره اني سويتها ونطرت فصارت جذي المفروض تقدمونها على طول …

طبعا اذا عندكم هالباستا ( تورتليني بتكون الذ )… وهذي الصلصه المستخدمه بس مادري ليش الصوره مقلوبه .. عموما تحصلونها بكل مكان .. واذا ما حصلتوها استخدمو صلصه الفريدو وتحصلونها بكارفور ومركز سلطان

 

وهذي صور الصلصه اليديده لان الصلصه السابقه مقطوعه صار لها فتره…

المقادير:

مشروم مقطع
صلصه 4 اجبان الفريدو.. وحال عدم توفرها اي صلصله الفريدو متوفره
حليب
كريما
زبده
ثوم مهروس
دياي مسحب
شوي من ماي سلق الباستا
وطبعا باستا
ملح
فلفل اسود
رشه اوريغانو
الطريقة:
نسلق الباستا
نحمس الثوم بالزبده ونضيف المشروم ونتركه يذبل شوي وبعدين نضيف الدياي والاوريغانو والملح والفلفل الاسود واذا بيتضيفون ماجي على راحتكم
بعدين نضيف الصلصه ( مو كلها لانها ثقيله ) ونخففها بحليب وكريما وماي سلق الباستا ونتركها شوي لين ثتقل ونضيف لها الباستا ونخلطها مرتين ونقدمها
اذا تحبون رشو على الويه بارميزان
Advertisements

9 Comments اضافة لك

  1. um_alzain كتب:

    مساءالخير مشكوره على الوصفات الحلوه والسهلهانا احب الباستا للعطل وللشاليهخاصه ان هذي الوصفه من غير ايدام يعني قمه في السهاله يسلم ايدياتج

  2. bent el deera كتب:

    um_alzain**********الله يسلمج يا ربوصاجه الباستا اسهل شي واحلى شي حق هالسوالفهالوصفه حبيبي فيها دياي مسحب بس تقدرين تلغينه :>واذا تحبين الخرشوف عندي وصفه باستا تتضمنها اعتقد اني ماخذتها من موقع رايشل راي :>

  3. ANGEL HEART كتب:

    تسلم الايادي يعت 😦

  4. bent el deera كتب:

    ANGEL HEART*************الله يعافيج :>وشكرا عزيزتي :>

  5. زلابـــيـــا كتب:

    تسلم الايادي عالوصفات الحلوه والسهله يعطيج العافيه :)بس ما لقيت الصلصه 😦 امس رحت مركز سلطان شرق وعيزت وانا ادورها ما لقيتها..من وين شاريتها بالضبط؟؟شاكرتلج 🙂

  6. bent el deera كتب:

    زلابـــيـــا *************نكج يذكرني بوحده عزيزه علي :>بالنسبه للصلصه للاسف مقطوعه هالايام مادري ليش عيزت وانا ادورها مع انها كانت موجوده بكل مكان قبلالحين بحمل لج صوره صلصه ثانيه تقدرين تستخدمينها مكانها وتحصلينها بمركز سلطان وكارفور :>

  7. زلابـــيـــا كتب:

    حسافه :(انا بعد هم دورتها اب مركز سلطان حولي وما لقيتها ويوم سألتهم في منها قالوا لأ اول مره نسمع عنها !!!انا ناطرتج بنوته ومشكوره حبيبتي 🙂

  8. bent el deera كتب:

    زلابـــيـــا *************نزلت لج صورتها حبيبتيوهذي متوفره ان شاء الله.. لاني اليوم بعد شفتها بمركز سلطان السالمية وانا كنت ماخذتها من شرق :>

  9. زلابــيــا كتب:

    تسلمين يا بعد عمري ..مشكوره 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s